ନୂଆଦିଲ୍ଲୀ: ନରେନ୍ଦ୍ର ମୋଦି ଲଗାତାର ଦ୍ୱିତୀୟ ଥର ପାଇଁ ପ୍ରଧାନମନ୍ତ୍ରୀ ହୋଇଥିବା ବେଳେ ବିଜେପି ମହାସଚିବ ରାମ ମାଧବ ଦାବି କରିଛନ୍ତି ଯେ, ତାଙ୍କ ଦଳ ୨୦୪୭ ପର୍ଯ୍ୟନ୍ତ ଦେଶରେ ଶାସନ କରିବ। ତ୍ରିପୁରାର ରାଜଧାନୀ ଅଗରତାଲାରେ ଏକ ରାଲିରେ ଯୋଗ ଦେବା ଅବସରରେ ସେ ଏହିକଥା କହିଛନ୍ତି।
ସେ କହିଛନ୍ତି,“୨୦୪୭ରେ ଯେତେବେଳେ ଦେଶ ସ୍ୱାଧୀନତାର ୧୦୦ ବର୍ଷ ପାଳନ କରିବ ସେତେବେଳେ ବିଜେପି କ୍ଷମତାରେ ଥିବ। ଏଯାବତ୍ ଦେଶରେ କଂଗ୍ରେସ ସବୁଠୁ ଅଧିକ ସମୟ ଧରି ଶାସନ କରିଛି। କଂଗ୍ରେସ ୧୯୫୦ରୁ ୧୯୭୭ ପର୍ଯ୍ୟନ୍ତ ଲଗାତାର ଭାବେ କ୍ଷମତାରେ ରହିଥିଲା। ତେବେ ମୁଁ ଦୃଢ଼ ଭାବେ କହୁଛି ଯେ ମୋଦିଜୀ ଏହି ରେକର୍ଡ ଭାଙ୍ଗିବେ।”
ରାମ ମାଧବ ଆହୁରି କହିଛନ୍ତି,“ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଯୋଗୁ ବିଶ୍ୱ ଦରବାରରେ ଭାରତର ସମ୍ମାନ ବଢ଼ିଛି। ଆଉ ସେହି କାରଣ ପାଇଁ ବିଜେପି ପୁଣି ନିର୍ବାଚନ ଜିତିଛି।”
ସୂଚନାଯୋଗ୍ୟ,ଲୋକସଭା ନିର୍ବାଚନ ପୂର୍ବରୁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ କହିଥିଲେ ଯେ, ତାଙ୍କ ଦଳ ୫୦ ବର୍ଷ କ୍ଷମତାରେ ରହିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
