ନୂଆଦିଲ୍ଲୀ: ଦେଶର ପ୍ରମୁଖ ବିମାନ ସେବା ପ୍ରଦାନକାରୀ ସଂସ୍ଥା ଏୟାର ଇଣ୍ଡିଆର ସର୍ଭର ଡାଉନ ହୋଇଛି। ଫଳରେ ନିଜ ଯାତ୍ରୀଙ୍କୁ ବିମାନ ସେବା ଯୋଗାଇ ଦେବା କ୍ଷେତ୍ରରେ ବିଳମ୍ୱ ଓ ବିଭ୍ରାଟ ସୃଷ୍ଟି ହୋଇଛି। ଏହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଯାତ୍ରୀ। ଦେଶର ପ୍ରମୁଖ ବିମାନବନ୍ଦର ମୁମ୍ବାଇ ଏବଂ ଦିଲ୍ଲୀରେ ହଜାର ହଜାର ଯାତ୍ରୀ ଅଟକି ରହିଥିବା ସୂଚନା ରହିଛି। ଯାହାର ପ୍ରତିକ୍ରିୟା ସୋଶାଲ ମିଡ଼ିଆରେ ମଧ୍ୟ ଦେଖିବାକୁ ମିଳିଛି।
Julius Baumann, SITA: We are undertaking a full investigation to understand the root cause and prevent a recurrence. We deeply regret the inconvenience this has caused to the airline and their customers owing to this disruption. Only Air India flights were affected by the glitch https://t.co/VOvOvf3tXf
— ANI (@ANI) April 27, 2019
Atleast 2000 people in Mumbai airport waiting because of the SITA software shutdown all over India. pic.twitter.com/TzYYFLE5vz
— Gayathri Raguramm (@gayathriraguram) April 27, 2019
Stranded at Mumbai airport since the last 3 hours. Apparently Air India servers are down. Asked the employees for an update, he laughed and said "Ab dekhte hain kab aayega" @airindiain ?
— Bhavya_shree (@Bhavyas66424462) April 27, 2019
ତେବେ ଏଭଳି ଅସୁବିଧା ପାଇଁ ଏୟାର ଇଣ୍ଡିଆ କମ୍ପାନୀ ଏକ ବିବୃତି ଜାରି କରି ଦୁଃଖ ପ୍ରକାଶ କରିଛି। ପୂର୍ବ ଭାରତର ସର୍ଭର ଏସଆଇଟିଏ-ଡିସିଏସ୍ ସିଷ୍ଟମ ଅଚଳ ହୋଇପଡ଼ିବା କାରଣରୁ ବିମାନ ଉଡ଼ାଣ ପ୍ରଭାବିତ ହୋଇଥିବା ଉଲ୍ଲେଖ କରିଛି। ମରାମତି ପାଇଁ ଏକ ବୈଷୟିକ ଟିମ୍ କାର୍ଯ୍ୟ କରୁଛନ୍ତି ବୋଲି ସୂଚନା ରହିଛି। ଏସଆଇଟିଏ ସର୍ଭର ଦ୍ୱାରା ଯାତ୍ରୀମାନଙ୍କର ବୋର୍ଡିଂ ପାସର ସୂଚନା ମିଳିଥାଏ।
ଏସଆଇଟିଏ ନାମକ ଏକ ଆଇଟି କମ୍ପାନୀ ଏହି ସର୍ଭରର ରକ୍ଷଣବେକ୍ଷଣ ଦାୟିତ୍ୱରେ ରହିଛି। ବିମାନବନ୍ଦରରେ ପ୍ରବେଶ ବେଳେ ଚେକ୍ ଇନ୍, ବୋର୍ଡିଂ, ଲଗେଜ ଗୁଡିକର ଟ୍ରାକିଂ ସେବା ଯୋଗାଇଥାଏ। ଭୋର ୩ଟାରୁ ଏୟାର ଇଣ୍ଡିଆର ସର୍ଭର ଡାଉନ ଥିବାର ସୂଚନା ରହିଛି।
ଗତବର୍ଷ ଜୁନ ୨୩ ତାରିଖରେ ମଧ୍ୟ ଏୟାର ଇଣ୍ଡିଆ ବିମାନ ସେବାରେ ବୈଷୟିକ ତ୍ରୁଟି କାରଣରୁ ବିମାନ ସେବା ବିଳମ୍ୱିତ ହୋଇଥିଲା। ଫଳରେ ଏୟାର ଇଣ୍ଡିଆର ୨୫ଟି ଫ୍ଲାଇଟର ଉଡ଼ାଣରେ ବିଳମ୍ବ ହୋଇଥିଲା।