ଏ ସ୍ତରରେ ପହଞ୍ଚିଲେଣି ନେତା: ଟଙ୍କା ଓ ମଦ ବାଣ୍ଟୁଛନ୍ତି ନିଜେ ବିଧାୟକ, ଦେଖନ୍ତୁ ଭିଡିଓ

<p>ନୂଆଦିଲ୍ଲୀ: ରାଜନୀତି ଏବେ ଯେଉଁ ସ୍ତରରେ ପହଞ୍ଚିଲାଣି ସେ କଥା ନ କହିବା ଭଲ। ସତ୍ତା ହାତେଇବାକୁ କିଏ କେତେ ପ୍ରକାର ଫନ୍ଦିଫିକର କରୁଛନ୍ତି। କିଏ ଭୋଟରଙ୍କୁ ନିଜ ସପକ୍ଷରେ ଆଣିବାକୁ ଟଙ୍କା ବାଣ୍ଟୁଛି ତ କିଏ ମଦ, ମାଂସର ଭୋଜି ଦେଉଛି। ଏଭଳି କଥା ନିତିଦିନିଆ ହୋଇଯାଇଥିବା ବେଳେ ତାମିଲନାଡୁର ଜଣେ ବିଧାୟକ ମଦ ଓ ଟଙ୍କା ବାଣ୍ଟୁଥିବା ଭିଡିଓ ଭାଇରାଲ ହେବାପରେ ଅଡୁଆରେ ପଡିଛି ତାମିଲନାଡୁ ରାଜନୀତି।</p> <p>କଥିତ ଭିଡିଓରେ ତାମିଲନାଡୁର ସୁଲୁର ନିର୍ବାଚନମଣ୍ଡଳୀ ବିଧାୟକ କନଗରାଜ ଏକ ଧଳା ଗଞ୍ଜି ପିନ୍ଧି ନିଜ ଅନୁଗତଙ୍କ ଉପସସ୍ଥିତିରେ ୨ ହଜାର ଟଙ୍କିଆ ନୋଟ୍&zwnj; ଗଣି ପାଖକୁ ଆସିଥିବା ଦଳୀୟ ସମର୍ଥଙ୍କ ହାତକୁ ବଢାଇ ଦେଉଛନ୍ତି। ଭୋଟରଙ୍କୁ ନିଜର କରିବା ଆଳରେ କୁଆଡେ ଏହି ଟଙ୍କା ସିଧାସଳଖ ବଣ୍ଟାହୋଇଛି ବୋଲି ଅଭିଯୋଗ ହେଉଛି। ଖାଲି &nbsp;ଟଙ୍କା ନୁହେଁ ପେଟିପେଟି ମଦ ମଧ୍ୟ ଭୋଟରଙ୍କୁ ଯୋଗାଇ ଦିଆଯାଉଥିବାର ଦୃଶ୍ୟ ଏହି ଭିଡିଓରେ ରହିଛି।</p> <p>ଏଆଇଏଡିଏମ୍&zwnj;କେ ପ୍ରତିଷ୍ଠାତା MGRଙ୍କ ଜନ୍ମଶତବାର୍ଷିକୀ ପାଳନ ଅବସରରେ ଏକ ବିଶାଳ ସଭାର ଆୟୋଜନ କରାଯାଇଥିଲା। ଏହି ସଭାରେ ତାମିଲନାଡୁ ମୁଖ୍ୟମନ୍ତ୍ରୀ ମଧ୍ୟ ଯୋଗ ଦେଇଥିଲେ। କନଗରାଜ ୬୦ଟି ବସ୍&zwnj;ରେ ନିଜ ବିଧାନସଭା କ୍ଷେତ୍ରରୁ ଲୋକଙ୍କୁ ଏଠାକୁ ଆଣି ଉତ୍ସବସ୍ଥଳରେ ପହଞ୍ଚାଇଥିଲେ । ଏତିକି ବେଳେ କୋଏମ୍ବାଟୁରସ୍ଥିତ ତାଙ୍କ ବାସଭବନରେ ଜମା ହୋଇଥିବା ସମର୍ଥକଙ୍କୁ କନଗରାଜ ଟଙ୍କା ଓ ମଦ ବାଣ୍ଟିଛନ୍ତି।</p>