ମୋଦି ଏବଂ ଯୋଗୀଙ୍କ ଛବି ଆଙ୍କି ଶ୍ଵଶୂର ଘରୁ ତଡ଼ା ଖାଇଲେ ବୋହୂ

ବଲିଆ(ୟୁପି): ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପେଣ୍ଟିଂ କରିବାରୁ ବହୂକୁ ଘରୁ ବାହାର କରିଦେଲେ ଶ୍ଵଶୂର ଘର ଲୋକେ। ଉତ୍ତରପ୍ରଦେଶ ବଲିଆର ବିସାରିକପୁରରେ ଘଟିଛି ଏଭଳି ଘଟଣା।

ମଟୁରୀ ଗାଁର ମୋହମ୍ମଦ ଶମ୍‌ଶେର ଖାନଙ୍କ ଝିଅ ନଗ୍‌ମା ପରବିନ ୨୦୧୬ରେ ବିସାରିକପୁରର ହାଜି ସେରାଜୁଲ ଖାନଙ୍କ ପୁଅ ପରବେଜ ଖାନଙ୍କୁ ବିବାହ କରିଥିଲେ। ବିବାହ ପରେ ଶ୍ଵଶୂର ଘରେ ବେଶ ଖୁସିରେ ଦିନ କାଟୁଥିଲେ ନଗ୍‌ମା। ଚିତ୍ର ଆଙ୍କିବାରେ ରୁଚି ଥିବା ଯୋଗୁଁ ନଗ୍‌ମା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଚିତ୍ର ଆଙ୍କିଥିଲେ। ପେଣ୍ଟିଂ ସାରିବା ପରେ ନଗ୍‌ମା ଏହାକୁ ତାଙ୍କ ସ୍ୱାମୀଙ୍କୁ ଦେଖାଇଥିଲେ। ପରେ ତାଙ୍କ ସ୍ଵାମୀ ବାପା ମା’ଙ୍କୁ ଦେଖାଇଥିଲେ । ଶ୍ଵଶୂର ଘର ଲୋକେ ପେଣ୍ଟିଂ ଦେଖି ସାରିବା ପରେ ନଗମାଙ୍କୁ ନିସ୍ତୁକ ପିଟିଥିଲେ।

ଅତ୍ୟାଚାର ସହି ନ ପାରି ନଗ୍‌ମା ବାପ ଘରକୁ ସମସ୍ତ ଖବର ଜଣାଥିଲେ । ଖବର ପାଇଁ ଝିଅ ଶ୍ଵଶୂର ଘରେ ପହଞ୍ଛିଥିଲେ ବାପା ଶମ୍‌ଶେର ଖାନ। ଶମ୍‌ଶେର ଶ୍ଵଶୂର ଘର ଲୋକଙ୍କୁ ପଚାରିବାରୁ ସେମାନେ କହିଥିଲେ  ‘ଆପଣଙ୍କ ଝିଅ ପାଗଳ ହୋଇଯାଇଛି। ନରେନ୍ଦ୍ର ମୋଦି ଆଉ ଯୋଗୀ ଆଦିତ୍ୟନାଥଙ୍କ ପେଣ୍ଟିଂ କରି ଘରେ ଟାଙ୍ଗୁଛି। ତେଣୁ ତା’ର ଏ ଘରେ ରହିବା କୌଣସି ଅଧିକାର ନାହିଁ’ । ନିରାଶ ହୋଇ ଝିଅକୁ ଧରି ଫେରିଥିଲେ ବାପା ଶମ୍‌ଶେର । ପୋଲିସ୍‌ରେ ଏତଲା ମଧ୍ୟ ଦେଇଥିଲେ । ପୋଲିସ ଏତଲା ସିନା ରଖିଲା ହେଲେ କୌଣସି କାର୍ଯ୍ୟାନୁଷ୍ଠାନ ନ କରି ଚୁପ ହୋଇ ବସିରହିଲା। ପୀଡ଼ିତା ନଗମା ଓ ତାଙ୍କ ପରିବାର ଏବେ ନ୍ୟାୟ ଅପେକ୍ଷାରେ ଅଛନ୍ତି।

 

ଆହୁରି ପଢ଼ନ୍ତୁ

ବିସ୍ଫୋରଣରେ ୧୦ରୁ ଅଧିକ ଲୋକଙ୍କ ମୃତ୍ୟୁ, ଶତାଧିକ ଗୁରୁତର

ନଦୀରେ ବୁଡ଼ି ଗଲା ଡଙ୍ଗା, ୨୪ରୁ ଅଧିକ ଲୋକ ଥିଲେ

ସୁଶାନ୍ତଙ୍କ ମୃତ୍ୟୁର ସିବିଆଇ ତଦନ୍ତ ପାଇଁ ରାଜ୍ୟପାଳ ରାଜି

ସୁଶାନ୍ତଙ୍କ ମୃତ୍ୟୁକୁ ନେଇ ମୁହଁ ଖୋଲିଲେ ଆଦିତ୍ୟ ଠାକରେ, କହିଲେ ମୋତେ…

ନୂଆ ମ୍ୟାପ ଜାରି କଲା ପାକିସ୍ତାନ, କଶ୍ମୀର ସହ ଗୁଜରାଟ ଓ ଲଦାଖର କିଛି ଅଂଶକୁ ନିଜର ଦର୍ଶାଇଲା

କାର୍ଗିଲ ଯୁଦ୍ଧର ମିଗ-୨୩ ବିମାନକୁ ବିକ୍ରି ପାଇଁ OLXରେ ବିଜ୍ଞାପନ, ଦାମ କେତେ ଥିଲା ଜାଣନ୍ତୁ

ଅନ୍ତର୍ଜାତୀୟ ମାର୍କେଟରେ ରାଫେଲର ଚାହିଦା କାହିଁକି କମ?

ଟିକଟକକୁ କିଣିବା ପାଇଁ ମାଇକ୍ରୋସଫ୍ଟକୁ ୪୫ ଦିନର ସମୟ ଦେଲେ ଟ୍ରମ୍ପ

ସିବିଆଇ ତଦନ୍ତ ସୁପାରିସ ପରେ କଥା ବଦଳାଇଲେ ରିୟା

କୁଲଭୂଷଣଙ୍କ ପାଇଁ ୩ ଜଣ ଆମିକସ କ୍ୟୁରିଙ୍କୁ ନିଯୁକ୍ତ କଲା ପାକିସ୍ତାନ

୧୬ ବର୍ଷର ପ୍ରେମ ସମ୍ପର୍କକୁ ବିବାହର ରୂପ ଦେଲେ ପ୍ରଧାନମନ୍ତ୍ରୀ, ରହିଛି ଦୁଇ ବର୍ଷର ଝିଅ

କରୋନା ଟିକାର ପରୀକ୍ଷା ଶେଷ, ଅକ୍ଟୋବରରୁ ଉତ୍ପାଦନ!