ଲକ୍ଷ୍ନୌ-ଆଗ୍ରା ଏକ୍ସପ୍ରେସଓ୍ୱେରେ ଦୁର୍ଘଟଣା, ୫ ମୃତ, ୩୦ରୁ ଅଧିକ ଆହତ

ଉନ୍ନାଓ, ୟୁପି: ଉତ୍ତର ପ୍ରଦେଶ ଲକ୍ଷ୍ନୌ-ଆଗ୍ରା ଏକ୍ସପ୍ରେସ ଓ୍ୱେରେ ମର୍ମନ୍ତୁଦ ସଡ଼କ ଦୁର୍ଘଟଣା। ଏକ ଯାତ୍ରୀବାହୀ ବସଟି ଟ୍ରାକ୍ଟର ସହ ପିଟି ହେବାରୁ ଘଟଣାସ୍ଥଳରେ ୫ ଜଣଙ୍କର ମୃତ୍ୟୁ ହୋଇଛି। ୩୦ରୁ ଅଧିକ ଆହତ ହୋଇ ମେଡିକାଲରେ ଚିକିତ୍ସାଧୀନ ଥିବା ଜଣାପଡ଼ିଛି।

Unnao: 5 dead, more than 30 injured after a bus rammed into a tractor trolley on Lucknow-Agra expressway pic.twitter.com/hVznRr2XlM

— ANI UP (@ANINewsUP) May 18, 2019

ଦିଲ୍ଲୀରୁ ବିହାର ଯାଉଥିଲା ଦୁର୍ଘଟଣାଗ୍ରସ୍ତ ଯାତ୍ରାବାହୀ ବସଟି। ଉତ୍ତର ପ୍ରଦେଶ ବଙ୍ଗରମାଉ ଥାନା ନିକଟରେ ଥିବା ଦେବଖରି ଗାଁ ନିକଟରେ ଏକ ଟ୍ରାକ୍ଟରର ଟ୍ରଲିକୁ ପଛ ଆଡ଼ୁ ଯାତ୍ରୀବାହୀ ବସଟି ଧକ୍କା ଦେଇଥିଲା। ଏହାପରେ ଭାରସାମ୍ୟ ହରାଇ ବସଟି ଓଲଟି ପଡ଼ିଥିବା ସୂଚନା ରହିଛି। ତେବେ ବସରେ ଆବଶ୍ୟକତାରୁ ଅଧିକ ଯାତ୍ରୀ ଥିଲେ ବୋଲି ଜଣାପଡ଼ିଛି। ଆହତମାନେ ଲକ୍ଷ୍ନୌ ଟ୍ରମା ସେଣ୍ଟରରେ ଭର୍ତ୍ତି ହୋଇଥିବା ସୂଚନା ରହିଛି।