ନୂଆଦିଲ୍ଲୀ: ହାତ ଟେକିଦେଲେ ସରକାର। ଏୟାର ଇଣ୍ଡିଆରୁ ହେବ ପୁଞ୍ଜି ପ୍ରତ୍ୟାହାର। ଆଜି କେନ୍ଦ୍ର କ୍ୟାବିନେଟ ଏହି ମଞ୍ଜୁରୀ ଦେଇଛି। ଏ ସମ୍ପର୍କରେ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟଲୀ କ୍ୟାବିନେଟରେ ଘୋଷଣା କରିଛନ୍ତି। ପୁଞ୍ଜି ପ୍ରତ୍ୟାହାର ସମ୍ପର୍କରେ ଅନୁଧ୍ୟାନ ପାଇଁ ଏକ ମନ୍ତ୍ରୀଗୋଷ୍ଠୀ ଗଠନ ହେବ ବୋଲି ଅର୍ଥମନ୍ତ୍ରୀ କହିଛନ୍ତି।
ଅର୍ଥାତ ଏୟାର ଇଣ୍ଡିଆ ଘରୋଇକରଣ ହେବାର ବାଟ ଫିଟି ଯାଇଛି। ସୂଚନା ଅନୁଯାୟୀ ଏୟାର ଇଣ୍ଡିଆ କ୍ଷତିରେ ଚାଲୁଥିଲା। ୫୨ ହଜାର କୋଟି ଟଙ୍କାର ଋଣ ବୋଝରେ ଚାଲୁଥିବା ଏୟାର ଇଣ୍ଡିଆକୁ ଘରୋଇକଣ କରିବା ପାଇଁ ନୀତି ଆୟୋଗ ସୁପାରିଶ କରିଥିଲେ। ସେହି ଅନୁଯାୟୀ ଏହାକୁ ବିକ୍ରି କରିବା ଉଦ୍ଦେଶ୍ୟରେ ଥିଲେ ସରକାର। ସେପଟେ ଏୟାର ଇଣ୍ଡିଆକୁ କିଣିବା ପାଇଁ ଟଟା ଗ୍ରୁପ୍ ଇଚ୍ଛାପ୍ରକାଶ କରିଥିଲେ। ଏନେଇ ଟଟା ଗ୍ରୁପ୍ର ମୁଖ୍ୟ ଏନ୍ ଚନ୍ଦ୍ରଶେକରନ୍ ଅର୍ଥମନ୍ତ୍ରୀଙ୍କୁ ଅନୌପଚାରିକଭାବେ ଭେଟିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
