ରାଇପୁର: ଛତିଶଗଡ଼ରେ ମାଓ ଆକ୍ରମଣବେଳେ ଆକାଶ ମାର୍ଗରୁ ବାୟୁସେନାର ଏମଆଇ-୧୭ ବିମାନ ଦ୍ୱାରା ପାଲଟା ଆକ୍ରମଣ କରାଯିବାକୁ ଯୋଜନା କରାଯାଇଛି । ଏଣିକି ମାଓ ଆକ୍ରମଣବେଳେ ସୁରକ୍ଷା ବାହିନୀ ପକ୍ଷରୁ ଆକାଶ ମାର୍ଗରୁ ପାଲଟା ଆକ୍ରମଣ କରାଯିବ। ଛତିଶଗଡ଼ରେ ମାଓ ବିରୋଧୀ ଅପରେସନର ଏଡିଜି ଆର.କେ. ଭିଜ୍ ଏହି ସୂଚନା ଦେଇ କହିଛନ୍ତି ପୂର୍ବରୁ ମାଓବାଦୀଙ୍କ ଉପରେ ବାୟୁସେନା ଆକାଶମାର୍ଗରୁ ପ୍ରତି ଆକ୍ରମଣ କରୁ ନ ଥିଲା। ଫଳରେ ମାଓ ହମଲା ପରେ ଯବାନଙ୍କୁ ଉଦ୍ଧାର ଓ ସୁରକ୍ଷା କର୍ମୀଙ୍କ କ୍ୟାମ୍ପକୁ ରାସନ ଯୋଗାଣବେଳେ ମାଓବାଦୀମାନେ ବିମାନ ଉପରକୁ ଫାୟରିଂ କରୁଥିଲେ। ଏଥିପାଇଁ ସୁରକ୍ଷା ବାହିନୀକୁ ବହୁମୂଲ୍ୟ ଦେବାକୁ ପଡୁଥିଲା। ବର୍ତ୍ତମାନ ମାଓ ଆକ୍ରମଣବେଳେ ବିମାନ ଆକ୍ରମଣ ପାଇଁ ଏମଆଇ-୧୭କୁ ବ୍ୟବହାର କରାଯିବ। ତେବେ ଏମ୍ଆଇ-୧୭ ଆକ୍ରମଣ ପାଇଁ ନୁହେଁ କେବଳ ଆତ୍ମରକ୍ଷା ପାଇଁ ବ୍ୟବହାର କରାଯିବ ବୋଲି ଏଡିଜି ଭିଜ ସୂଚନା ଦେଇଛନ୍ତି। ବସ୍ତର ଜିଲ୍ଲାରେ ଏବେ ମାଓ ବିରୋଧୀ ଅପରେସନ ପାଇଁ ବାୟୁସେନାର ୪ଟି ବିମାନ ବ୍ୟବହାର କରାଯାଉଛି। ତେବେ ଏମଆଇ-୧୭ ଜରିଆରେ ଆକାଶମାର୍ଗରୁ ପ୍ରତି ଆକ୍ରମଣ ହେଲେ ଯବାନମାନଙ୍କ ମନୋବଳ ବୃଦ୍ଧି ପାଇବ ବୋଲି କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
