କୋଇଲା ଦୁର୍ନୀତି ମାମଲା: ଝାଡ଼ଖଣ୍ଡ ପୂର୍ବତନ ମୁଖ୍ୟମନ୍ତ୍ରୀ ମଧୁ କୋଡ଼ା ଦୋଷୀ ସାବ୍ୟସ୍ତ

ନୂଆଦିଲ୍ଲୀ: କୋଇଲା ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ମଧୁ କୋଡ଼ା। ଦିଲ୍ଲୀର ସ୍ୱତନ୍ତ୍ର ସିବିଆଇ କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଏଥିସହ ପୂର୍ବତନ କୋଇଲା ସଚିବ ଏଚ୍.ସି.ଗୁପ୍ତା, ଝାଡ଼ଖଣ୍ଡର ପୂର୍ବତନ ମୁଖ୍ୟ ସଚିବ ଅଶୋକ କୁମାର ଓ ଆଉଜଣେ ଦୋଷୀ ସାବ୍ୟସ୍ତ ହୋଇଛନ୍ତି।  ଆସନ୍ତାକାଲି ଏହି ମାମଲାର ଦଣ୍ଡ ଘୋଷଣା ହେବ।

ଝାଡ଼ଖଣ୍ଡର ରାଜହରା ଉତ୍ତରୀ କୋଇଲା ବ୍ଲକ ଆବଣ୍ଟନରେ ଅନିୟମିତତା ସହ ଜଡ଼ିତ ଉକ୍ତ ମାମଲା। ଏହି କୋଇଲା ବ୍ଲକ କୋଲକାତାସ୍ଥିତ ଆଇରନ ଓ ଷ୍ଟିଲ ଉଦ୍ୟୋଗ ଲିମିଟେଡ (ଭିଆଇଏସ୍‌ୟୁଏଲ୍‌)କୁ ଦିଆଯାଇଥିଲା।  କୋଡ଼ାଙ୍କ ବିରୋଧରେ ଅପରାଧିକ କାର୍ଯ୍ୟ ପାଇଁ ପ୍ଲାନ କରିବା, ନିଜ ପଦର ଅପବ୍ୟବହାର କରିବା ପ୍ରଭୃତି ଅଭିଯୋଗ ହୋଇଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।