୬୦ବର୍ଷରେ ବାହା ହେଲେ କଂଗ୍ରେସ ସାଧାରଣ ସମ୍ପାଦକ

ନୂଆଦିଲ୍ଲୀ: ୬୦ବର୍ଷ ବୟସରେ ବିବାହ କରିଛନ୍ତି କଂଗ୍ରେସ ସାଧାରଣ ସମ୍ପାଦକ ତଥା ପୂର୍ବତନ କେନ୍ଦ୍ରମନ୍ତ୍ରୀ ମୁକୁଲ ୱାସନିକ୍‌। ଗତ ରବିବାର ରବୀନା ଖୁରାନାଙ୍କ ସହ ତାଙ୍କ ବିବାହ ସମ୍ପନ୍ନ ହୋଉଛି। ଦିଲ୍ଲୀର ଏକ ପଞ୍ଚ ତାରକା ହୋଟେଲ୍‌ରେ ସେମାନଙ୍କ ଅନ୍ତରଙ୍ଗ ବନ୍ଧୁମାନଙ୍କ ଉପସ୍ଥିତିରେ ଏହି ବିବାହ ସମ୍ପନ୍ନ ହୋଇଥିଲା।

ୱାସ୍‌ନିକ ଓ ରବୀନା ବହୁ ପୁରୁଣା ବନ୍ଧୁ। ଦୀର୍ଘ ଦିନର ବନ୍ଧୁତା ପରେ ସେମାନେ ବିବାହ କରିବାକୁ ନିଷ୍ପତ୍ତି ନେଇଥିଲେ। ଏହି ବିବାହ ଉତ୍ସବରେ କଂଗ୍ରେସର ବହୁ ବରିଷ୍ଠ ନେତା ଉପସ୍ଥିତ ଥିଲେ। ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍‌ଙ୍କ ସହ କଂଗ୍ରେସର ବରିଷ୍ଠ ନେତା ଅହମ୍ମଦ ପଟେଲ, ଅମ୍ବିକା ସୋନି, ଗୁଲାମ ନବୀ ଆଜାଦ୍‌ ଓ ମନୀଷ ତିୱାରୀ ପ୍ରମୁଖ ଏଥିରେ ଯୋଗ ଦେଇଥିଲେ।

ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍‌ ଟ୍ୱିଟ୍ କରି ମଧ୍ୟ ମୁକୁଲ ୱାସନିକ ଓ ରବୀନାଙ୍କୁ ଶୁଭେଚ୍ଛା ଜଣାଇଥିଲେ।

ମୁକୁଲ ୱାସନିକ୍‌ ଓ ରୁବିନାଙ୍କ ସହ ଉଠାଇଥିବା ଏକ ଫଟୋ ଟ୍ୱିଟ୍‌ କରି ଗେହଲୋଟ୍‌ ଲେଖିଥିଲେ, ଦୁହିଁଙ୍କୁ ନୂତନ ଜୀବନର ଶୁଭେଚ୍ଛା, ଆଗାମୀ ଜୀବନ ସୁଖମୟ ହେଉ। ତାଙ୍କର ଏହି ଟ୍ୱିଟ୍‌ ପରେ ୱାସନିକ୍‌ଙ୍କ ବିବାହ ଖବରଟି ସାର୍ବଜନୀନ ହୋଇଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।