ପ୍ରଧାନମନ୍ତ୍ରୀ ପଦକୁ ଅପମାନିତ କଲେ କି ମଣିଶଙ୍କର ? ମୋଦିଙ୍କୁ କହିଲେ ଏମିତି କଟୁ ଭାଷା

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ‘ଚାଏୱାଲା’ ବା ଚାହାବାଲା ବୋଲି ସମ୍ୱୋଧନ କରି ୨୦୧୪ରେ ଚର୍ଚ୍ଚା ପରିଧିକୁ ଆସିଥିବା କଂଗ୍ରେସର ବରିଷ୍ଠ ନେତା ମଣିଶଙ୍କର ଏଥର ନୂଆ ଶବ୍ଦରେ ମୋଦିଙ୍କୁ ଟାର୍ଗେଟ କରିଛନ୍ତି। ‘ନିଚ୍ଚା ଆଦମୀ’ ବା ଛୋଟଲୋକ ବୋଲି କହି ମୋଦିଙ୍କୁ ସମ୍ୱୋଧନ କରିଛନ୍ତି ଆୟର। ପ୍ରଧାନମନ୍ତ୍ରୀ ପଦବୀରେ ଥିବା ଜଣେ ବ୍ୟକ୍ତିଙ୍କୁ ଏଭଳି ଅସାମ୍ବିଧାନିକ ଭାଷାରେ ଟାର୍ଗେଟ କରିବା ଆଦୌ ସମିଚୀନ ନୁହେଁ ବୋଲି ବିଭିନ୍ନ କ୍ଷେତ୍ରରୁ ପ୍ରତିକ୍ରିୟା ଆସିଛି।

୨୦୧୪ ସାଧାରଣ ନିର୍ବାଚନ ବେଳେ ମୋଦି ଚାହା ବିକ୍ରି କରୁଥିବା କଥା କହି କଂଗ୍ରେସ ପକ୍ଷରୁ ତାଙ୍କୁ କଟାକ୍ଷ କରାଯାଇଥିବା ବେଳେ ଏଥରର ସମ୍ୱୋଧନ ଅତିମାତ୍ରାରେ ନିମ୍ନମାନସିକତାର ପରିଚୟ ବୋଲି କୁହାଯାଉଛି। ନ୍ୟୁଜ୍‌ ଏଜେନ୍ସି ANI ପକ୍ଷରୁ ପ୍ରକାଶିତ ତଥ୍ୟ ମୁତାବକ ରାହୁଲ ଗାନ୍ଧୀଙ୍କ ସମ୍ପର୍କରେ ପ୍ରଧାନମନ୍ତ୍ରୀଙ୍କ ମନ୍ତବ୍ୟକୁ ନେଇ ଆୟରଙ୍କୁ ପଚରାଯାଇଥିବା ପ୍ରଶ୍ନର ଉତ୍ତରରେ ସେ ଏଭଳି କହିଛନ୍ତି। ନିଜ ବକ୍ତବ୍ୟରେ ସେ କହିଛନ୍ତି “ମୁଝକୋ ଲଗତା ହୈ କି ଏ ଆଦମୀ ବହୋତ ନିଚା କିସମ କା ଆଦମୀ ହୈ। ଇସ୍‌ମେ କୋଇ ସଭ୍ୟତା ନହିଁ ହୈ।”

ରାଜଧାନୀ ଦିଲ୍ଲୀରେ ଆମ୍ୱେଦକର ଆନ୍ତର୍ଜତୀକ କେନ୍ଦ୍ର ଉଦ୍‌ଘାଟନ ସମୟରେ  ପ୍ରଧାନମନ୍ତ୍ରୀ ମୋଦି ରାହୁଲଙ୍କ ଶିବ ଭକ୍ତ ହେବା ଘଟଣାକୁ ନେଇ ଟିପ୍ପଣୀ କରି କହିଥିଲେ ଯେ, ଦେଶରେ କିଛି ଏମିତି ଦଳ ରହିଛନ୍ତି ଯେଉଁମାନେ ବାବା ସାହେବଙ୍କ ଅପେକ୍ଷା ଭୋଲେ ବାବା(ଭଗବାନ ଶିବ)ଙ୍କୁ ନେଇ ଅଧିକ ଚିନ୍ତା କରୁଛନ୍ତି। ରାହୁଲ ଆଗାମୀ ଦିନରେ କଂଗ୍ରେସର ମଙ୍ଗ ଧରିବାକୁ ଯାଉଥିବା ବେଳେ କଂଗ୍ରେସକୁ ମୋଦିଙ୍କ ଏଭଳି କଟାକ୍ଷ ନେଇ ପ୍ରଶ୍ନ କରିଥିଲା ଗଣମାଧ୍ୟମ। ଯାହାର ଉତ୍ତର ଦେବାକୁ ଯାଇ ମଣିଶଙ୍କର ଏଭଳି କହିଥିଲେ।

ଘଟଣା ପ୍ରଚାରିତ ହୋଇଯିବା ପରେ, ପ୍ରଦାନମନ୍ତ୍ରୀ ପଦବୀକୁ ଆୟର ଅପମାନିତ କରିଛନ୍ତି ବୋଲି କୁହାଯାଇଥିଲା। ଯାହାକୁ ନେଇ ସେ କ୍ଷମା ମାଗିଛନ୍ତି। ଆୟର କହିଛନ୍ତି “ହିନ୍ଦୀ ମୋର ମାତୃଭାଷା ନୁହେଁ। ମୁଁ ‘ନିଚ୍ଚ’ ଶବ୍ଦ ବ୍ୟବହାର କରିଛି। ଏହାକୁ ଯଦି କିଛି ଭିନ୍ନ ଅର୍ଥରେ ଗ୍ରହଣ କରାଯାଉଛି ଏଥିପାଇଁ ମୁଁ ଦୁଃଖିତ।”

ଆହୁରି ପଢ଼ନ୍ତୁ

କେନ୍ଦ୍ରର କୃଷି ଆଇନକୁ କାଉଣ୍ଟର ପାଇଁ ବିଲ୍‌ ପାସ, ଏମଏସପି ନିୟମ ଭାଙ୍ଗିଲେ ଜେଲ

ବିହାର ନିର୍ବାଚନ ପୂର୍ବରୁ ଜନମତ ସର୍ଭେ: ନୀତୀଶ କୁମାରଙ୍କ ତୁଳନାରେ ମୋଦି ଅଧିକ ଲୋକ ପ୍ରିୟ

ଓପିନିଅନ ପୋଲ: ବିହାରରେ ପୁଣି ବାଜିମାତ କରିବ ଏନଡିଏ, କିନ୍ତୁ…

ଟିଆରପି ସ୍କାମ: ୟୁପିର ଏଫଆଇଆର ଆଧାରରେ ସିବିଆଇ ରୁଜୁ କଲା ମାମଲା

ପୁଲୱାମାରେ ଗଡ଼ିଲା ୨ ଆତଙ୍କୀଙ୍କ ମୁଣ୍ଡ

ଭାରତୀୟ ସୀମାରୁ ଧରା ପଡ଼ିଲା ପାକିସ୍ତାନୀ ଅନୁପ୍ରବେଶକାରୀ

ଲକଡାଉନ ଯାଇଛି, ହେଲେ କରୋନାର ବିପଦ ଟଳିନି କହିଲେ ମୋଦି

ରାହୁଲ ଗାନ୍ଧିଙ୍କ ଅସନ୍ତୋଷ ସତ୍ତ୍ୱେ ‘ଆଇଟମ୍‌’ ବୟାନ ପାଇଁ କ୍ଷମା ମାଗିବାକୁ ମନାକଲେ କମଲନାଥ

ଲଦାଖରୁ ଧରା ପଡ଼ିଥିବା ଚାଇନିଜ୍‌ ଯବାନଙ୍କୁ ଏବେ ଛାଡ଼ିବନି ଭାରତ

ଚୀନକୁ ରପ୍ତାନୀ ଯୋଗୁଁ ଦେଶରେ ଲୁହା ପଥରର ଅଭାବ, ଷ୍ଟିଲ ଶିଳ୍ପ ପ୍ରଭାବିତ

ଚାଇନା ସହ ତିକ୍ତତା: ତାଇୱାନ ସହ ବ୍ୟବସାୟିକ ସମ୍ପର୍କ ଆରମ୍ଭ କରିବ ଭାରତ

ଆଜି ସନ୍ଧ୍ୟାରେ ଦେଶବାସୀଙ୍କୁ କ’ଣ କହିବେ ପ୍ରଧାନମନ୍ତ୍ରୀ ମୋଦି