ନୂଆଦିଲ୍ଲୀ: ଇଭିଏମ ଓ ଭିଭିପ୍ୟାଟକୁ ନେଇ ସୁପ୍ରିମକୋର୍ଟରେ ବିରୋଧୀଙ୍କ ଦାବି ଖାରଜ ହେବା ପରେ ସୁପ୍ରିମକୋର୍ଟଙ୍କୁ ଆକ୍ଷେପ କରିଛନ୍ତି କଂଗ୍ରେସ ନେତା ଡକ୍ଚର ଉଦିତ ରାଜ। ନିକଟରେ ବିଜେପିରୁ ଆସି କଂଗ୍ରେସରୁ ଯୋଗ ଦେଇଥିବା ଏହି ନେତା ଟ୍ୱିଟ୍ କରି କହିଛନ୍ତି, "ସୁପ୍ରିମକୋର୍ଟ କାହିଁକି ଚାହୁଁନାହାନ୍ତି ଭିଭିପ୍ୟାଟର ୧୦୦ ପ୍ରତିଶତ ଭୋଟ ଇଭିଏମ ସହ ମିଳାଯାଉ, କଣ ଏହି ଇଭିଏମ ହେରଫେରରେ ସୁପ୍ରିମକୋର୍ଟ ବି ସାମିଲ ଅଛନ୍ତି କି ? ନିର୍ବାଚନ ବେଳେ ଦେଢ଼ ମାସ ଧରି ସରକାରୀ କାମ ବନ୍ଦ ଥିବା ବେଳେ ଯଦି ୧୦୦ ପ୍ରତିଶତ ଭୋଟ ଗଣତି ପାଇଁ ୩ରୁ ୪ ଦିନ ଅଧିକ ସମୟ ଲାଗିଥାନ୍ତା ତାହେଲେ କଣ ଅସୁବିଧା ହୁଅନ୍ତା ?
सप्रीम कोर्ट क्यों नहीं चाहता की VVPAT की सारी पर्चियों को गिना जाए क्या वो भी धाँधली में शामिल है।चुनावी प्रक्रिया में जब लगभग तीन महीने से सारे सरकारी काम मंद पड़ा हुआ है तो गिनती में दो- तीन दिन लग जाए तो क्या फ़र्क़ पड़ता है @priyankagandhi @INCDelhi @RahulGandhi @PTI_News
— Dr. Udit Raj, MP (@Dr_Uditraj) May 22, 2019
କଂଗ୍ରେସ ନେତା ଡକ୍ଚର ଉଦିତ ରାଜ କରିଥିବା ଏହି ଟ୍ୱିଟରେ ସେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି, ମହାସଚିବ ପ୍ରିୟଙ୍କା ଗାନ୍ଧି, କଂଗ୍ରେସ ଓ ପିଟିଆଇ ନ୍ୟୁଜକୁ ଟ୍ୟାଗ କରିଛନ୍ତି। ଦେଶର ସର୍ବୋଚ୍ଚ କୋର୍ଟଙ୍କ ପ୍ରତି ଉଦିତ ରାଜଙ୍କ ଏଭଳି ଆକ୍ଷେପକୁ ବିଭିନ୍ନ ମହଲରେ ନିନ୍ଦା କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
