ଶାହଙ୍କ ଗସ୍ତ ପୂର୍ବରୁ ଦଳରୁ ନିଲମ୍ୱିତ କଂଗ୍ରେସ ବିଧାୟକ

ଗୌହାଟି: ଆସନ୍ତାକାଲି ଆସାମ ଗସ୍ତରେ ଆସୁଛନ୍ତି ଗୃହମନ୍ତ୍ରୀ ଅମିତ ଶାହ। ଏହା ପୂର୍ବରୁ ଆସାମ କଂଗ୍ରେସ ବିଧାୟକ ଅଜନ୍ତା ନିୟୋଗ ଦଳ ବିରୋଧୀ କାର୍ଯ୍ୟକଳାପ ପାଇଁ ପ୍ରାଥମିକ ସଦସ୍ୟତାରୁ ନିଲମ୍ବିତ ହୋଇଛନ୍ତି। ପୂର୍ବରୁ ଗୋଲାଘାଟର ଜିଲ୍ଲା କଂଗ୍ରେସ କମିଟି ସଭାପତି ପଦରୁ ଅଜନ୍ତାଙ୍କୁ ହଟାଇ ଦିଆଯାଇଥିଲା। ଏବେ ତାଙ୍କର ପ୍ରାଥମିକ ସଦସ୍ୟ ରଦ୍ଦ କରିଛି। ନିକଟରେ ଅଜନ୍ତା ଆସାମ ମୁଖ୍ୟମନ୍ତ୍ରୀ ସରବାନନ୍ଦ ସୋନୋୱାଲ ଏବଂ ଶିକ୍ଷାମନ୍ତ୍ରୀ ହିମନ୍ତ ବିଶ୍ୱ ଶର୍ମାଙ୍କୁ ଭେଟିଥିଲେ। ତେଣୁ ସେ ଖୁବଶୀଘ୍ର ବିଜେପିରେ ସାମିଲ୍ ହୋଇପାରନ୍ତି।

ମୁଖ୍ୟମନ୍ତ୍ରୀଙ୍କୁ ଭେଟିବା ସମ୍ପର୍କରେ ସେ କହିଛନ୍ତି ଯେ ତାଙ୍କ ନିର୍ବାଚନମଣ୍ଡଳୀରେ ସମସ୍ୟା ଥିବାରୁ ସେ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ। ଉତ୍ତର ଆସାମର ଜଣେ ବଡ଼ ନେତା ଭାବରେ ଅଜନ୍ତା ପରିଚିତ। ଆସନ୍ତାକାଲିଠୁ ଦୁଇ ଦିନିଆ ଗସ୍ତରେ ଅମିତ ଶାହ ଆସାମ ଗସ୍ତରେ ଆସିବେ। ଏହି ସମୟରେ ଅଜନ୍ତା ବିଜେପିରେ ସାମିଲ୍ ହୋଇପାରନ୍ତି। ୨୦୨୧ମାର୍ଚ୍ଚ-ଏପ୍ରିଲରେ ଆସାମରେ ବିଧାନସଭା ନିର୍ବାଚନ ହେବ। ରାଜ୍ୟରେ ଆସାମ ଏବେ ସବୁଠୁ ବଡ଼ ଦଳ ରହିଛି।

 

ଅଧିକ ପଢ଼ନ୍ତୁ : ଭୁଶୁଡ଼ି ଗଲା ବାରାକ୍‌ର କାନ୍ଥ, ଚାଲିଗଲା ୨ ଯବାନଙ୍କ ଜୀବନ

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।