ହସ୍ପିଟାଲରୁ ଖସି ଯାଇଥିଲେ କରୋନା ଆକ୍ରାନ୍ତ, ବୁଦା ମୂଳରୁ ମିଳିଲା ମୃତଦେହ

ପ୍ରାୟଗରାଜ: କରୋନାରେ ଆକ୍ରାନ୍ତ ହୋଇ ହସ୍ପିଟାଲରେ ଭର୍ତ୍ତି ହୋଇଥିଲେ। ହେଲେ ମାତ୍ର ୨୪ ଘଣ୍ଟା ମଧ୍ୟରେ ସେ ହସ୍ପିଟାଲରୁ ଖସି ଯାଇଥିଲେ। ହସ୍ପିଟାଲରୁ ଖସି ଯିବାର ଗୋଟିଏ ଦିନ ପରେ ତାଙ୍କ ମୃତଦେହ ଉଦ୍ଧାର ହୋଇଛି। ହସ୍ପିଟାଲ ଠାରୁ ୫୦୦ ମିଟର ଦୂର ଗୋଟିଏ ବୁଦା ମୂଳରୁ ତାଙ୍କ ମୃତଦେହ ପଡ଼ିଥିବା ଦେଖିବାକୁ ମିଳିଛି। ଉତ୍ତର ପ୍ରଦେଶର ପ୍ରୟାଗରାଜ ଅଞ୍ଚଳରେ ଘଟିଥିବା ଏହି ଘଟଣା ଚାଞ୍ଚଲ୍ୟ ଖେଳାଇ ଦେଇଛି।

୫୭ ବର୍ଷୀୟ ବ୍ୟକ୍ତି ଜଣଙ୍କ ହସ୍ପିଟାଲରୁ ଚାଲିଚାଲି ବାହାରକୁ ଯାଉଥିବା ବେଳର ଦୃଶ୍ୟ ସିସିଟିଭିରେ କଏଦ ହୋଇଛି। ଘଟଣା ପାଇଁ ପରିବାର ଲୋକ ହସ୍ପିଟାଲକୁ ଦାୟୀ କରିଛନ୍ତି। ହସ୍ପିଟାଲରେ ନିର୍ଯାତନାର ଶିକାର ହେବା ପରେ ବ୍ୟକ୍ତି ଜଣଙ୍କ ଏଭଳି ପଦକ୍ଷେପ ନେଇଥିବା ସେମାନେ ଅଭିଯୋଗ କରିଛନ୍ତି। ହେଲେ ଏହାକୁ ହସ୍ପିଟାଲ ପକ୍ଷରୁ ଖଣ୍ଡନ କରାଯାଇଛି।

ସୂଚନା ଅନୁସାରେ, ବ୍ୟକ୍ତି ଜଣଙ୍କ ଶୁକ୍ରବାର ସନ୍ଧ୍ୟାରେ କରୋନାରେ ଆକ୍ରାନ୍ତ ହୋଇ ପ୍ରୟାଗରାଜର ସ୍ୱରୂପ ରାଣୀ ନେହରୁ ହସ୍ପିଟାଲରେ ଆଡମିଟ୍‌ ହୋଇଥିଲେ। ସେ ଠିକ ଭାବେ ନିଶ୍ୱାସ ନେଇପାରୁ ନଥିଲେ। ଶନିବାର ସେ ପରିବାର ଲୋକଙ୍କୁ ଫୋନ କରିଥିଲେ। ସେ ପରିବାର ଲୋକଙ୍କୁ କହିଥିଲେ ଯେ ଗତକାଲି ରାତି ତମାମ ମୋ ପାଟି ସଂପୂର୍ଣ୍ଣ ରୂପେ ଶୁଖିଯାଉଥିଲା। ଭେଣ୍ଟିଲେଟରରେ ରଖାଯାଇଥିଲେ ମଧ୍ୟ ମୁଁ ଅଣନିଶ୍ୱାସୀ ହୋଇଯାଉଥିଲି।

ମୁଁ ହସ୍ପିଟାଲ କର୍ତ୍ତୃପକ୍ଷଙ୍କୁ ଏ ସମ୍ପର୍କରେ କହିଥିଲେ ହେଁ କେହି ବି ମୋ କଥା ଶୁଣୁନାହାନ୍ତି। ସମ୍ଭବତଃ ବ୍ୟକ୍ତି ଜଣଙ୍କ ହସ୍ପିଟାଲରୁ ଖସି ଯିବା ପୂର୍ବରୁ ଏଭଳି କଥା ପରିବାର ଲୋକଙ୍କୁ କହିଥିଲେ। ପରିବାର ଲୋକେ ଏହାର ଅଡିଓ କ୍ଲିପ ଜାରି କରିଛନ୍ତି।

ହସ୍ପିଟାଲର ସିସିଟିଭ ଫୁଟେଜ ଅନୁସାରେ, ଶନିବାର ଅପରାହ୍ନ ପ୍ରାୟ ୪.୩୦ରେ ବ୍ୟକ୍ତି ଜଣଙ୍କ କୋଭିଡ୍‌ ୱାର୍ଡରୁ ବାହାରି ଚାଲିଚାଲି ଯାଉଥିବା ଦୃଶ୍ୟ ରେକର୍ଡ କରାଯାଇଛି। ଏହାର ୩୦ ସେକେଣ୍ଡ ପରେ ୩୦ରୁ ଅଧିକ ଲୋକ ସମାନ ଗେଟ୍‌ ଦେଇ ବାହାରକୁ ଆସୁଥିବା ଆସିଥିଲେ। ଉକ୍ତ ବ୍ୟକ୍ତିଙ୍କୁ ବୁଝାସୁଝା କରିବା ପାଇଁ ସେମାନେ ଯାଉଥିବା ହସ୍ପିଟାଲ ପକ୍ଷରୁ କୁହାଯାଇଛି। ଏନେଇ ଅଧିକ ତଦନ୍ତ କରାଯାଉଥିବା ଜଣାପଡ଼ିଛି।

ଆହୁରି ପଢ଼ନ୍ତୁ

ଏନସିବି ରାଡାରରେ କରଣ ଜୋହର, ଟ୍ୱିଟ୍ କରି କହିଲେ ମୋ ଘରେ ଡ୍ରଗ୍ସ ପାର୍ଟି ହୋଇନି

ସମ୍ପର୍କୀୟଙ୍କ ଦ୍ୱାରା ହତ୍ୟାର ଶିକାର ହେଲେ ମହିଳା, ଦୁଇ ଝିଅ ଗୁରୁତର

ସୋରିଷ ତେଲରେ ଅନ୍ୟାନ୍ୟ ତେଲ ମିଶ୍ରଣ ଉପରେ ଲାଗିଲା ରୋକ୍

‘ଟିକା ସମସ୍ତଙ୍କ ପାଖରେ ପହଞ୍ଚିବା ପୂର୍ବରୁ ବିଶ୍ୱରେ ୨୦ ଲକ୍ଷ ଲୋକଙ୍କ ମୃତ୍ୟୁ ହୋଇପାରେ’

ମିଳିତ ଜାତିସଂଘରେ କଶ୍ମୀର ପ୍ରସଙ୍ଗ ଉଠାଇଲା ପାକ୍, ବର୍ଷିଲା ଭାରତ

ୟେସ ବ୍ୟାଙ୍କ ପ୍ରତିଷ୍ଠାତା ରାଣା କପୁରଙ୍କ ୧୨୭ କୋଟି ଟଙ୍କା ମୂଲ୍ୟର ଫ୍ଲାଟ ସିଜ୍‌

‘ମୋଦି ବି ମୋ ପୁଅ’ ବୋଲି କହିଲେ ଶାହୀନ ବାଗ ଦାଦି

ବଡ଼ ଧରଣର ଭୂକମ୍ପରେ ଥରିଲା ଲଦାଖ

ହାତରେ ମଣିଷର ଖପୁରୀ ଓ ବେକରେ ଶିକୁଳି ବାନ୍ଧି ଚାଷୀ ବିଲ୍‌କୁ କୃଷକଙ୍କ ବିରୋଧ

କ୍ଷମା ମାଗିଲେ କିମ୍ ଜଙ୍ଗ ଉନ

କରୋନା ଭୟରେ ବ୍ୟକ୍ତି ଏଭଳି ନେଲେ ଷ୍ଟିମ୍, ଲୋକେ କହିଲେ ‘ନୋବେଲ୍ ପୁରସ୍କାର ମିଳୁ’

ଗାଭାସ୍କରଙ୍କ ଟିପ୍ପଣୀ ’ଅରୁଚିକର’: ଅନୁଷ୍କା