ବୁଲା ଗାଈଙ୍କ ପାଇଁ ଗୋ-ସଫାରି ନିର୍ମାଣ କରିବେ ଯୋଗୀ ସରକାର

ଲକ୍ଷ୍ନୌ: ବୁଲା ଗାଈଙ୍କ ପାଇଁ ଉତ୍ତରପ୍ରଦେଶ ସରକାର ଗୋ-ସଫାରି ନିର୍ମାଣ କରାଇବେ। ଏଥିରେ ସେମାନଙ୍କ ସୁରକ୍ଷା ଏବଂ ଯତ୍ନ ଆଦିର ଦାୟିତ୍ୱ ନିଆଯିବ।
ଯୋଗୀ ଆଦିତ୍ୟନାଥଙ୍କ ଉତ୍ତରପ୍ରଦେଶ ସରକାର ଗୋସୁରକ୍ଷା କ୍ଷେତ୍ରରେ ପୂର୍ବରୁ ମଧ୍ୟ ଅନେକ କାମ କରି ଆସିଛନ୍ତି। ଏହାକୁ ଆଖି ଆଗରେ ରଖି ପଶୁଧନ ମନ୍ତ୍ରୀ ଲକ୍ଷ୍ମୀ ନାରାୟଣ ଚୌଧୁରୀ ଗୋ-ସଫାରି ପ୍ରତିଷ୍ଠା ଯୋଜନା କରିଛନ୍ତି। ସେ କହିଛନ୍ତି, ଯୋଗୀ ସରକାରରେ ଗାଈଙ୍କ ସୁରକ୍ଷାକୁ ବହୁତ ଧ୍ୟାନ ଦିଆଯାଉଛି ଏବଂ ସେମାନଙ୍କ ସୁରକ୍ଷା ଓ ଯତ୍ନ ଆମ କର୍ତ୍ତବ୍ୟ।

ବାରବାଙ୍କି ଏବଂ ମହାରାଜାଗଞ୍ଜଠାରେ ଆମର ବଡ଼ ଫାର୍ମ ରହିଛି। ସେଠାରେ ଆମେ ପରୀକ୍ଷାମୂଳକ ଭାବେ ୧୫ ହଜାରରୁ ୨୦ ହଜାର ଗାଈ ରହିବା ଭଳି ବ୍ୟବସ୍ଥା କରିବୁ। ଗାଈ ଗୋବରରୁ ବାୟୋ ଗ୍ୟାସ୍‌ ପ୍ଲାଣ୍ଟ ଏବଂଳ ଗୋଆବର୍ଜନାକୁ ବିଭିନ୍ନ କାମରେ ଲଗାଯାଇପାରିବ। ଗାଁମାନଙ୍କରେ ଗାଈମାନେ ଏଣେତେଣେ ଘୂରିବୁଲୁଥିବାର ଅଭଯୋଗ ଆସିବା ପରେ ଏଭଳି ପଦକ୍ଷେପ ନିଆଯାଉଥିବା କହିଛନ୍ତି ମନ୍ତ୍ରୀ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।