ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧି, ପୁଅ ରାହୁଲ ଗାନ୍ଧି ଏବଂ ଝିଅ ପ୍ରିୟଙ୍କା ଗାନ୍ଧି ଭଦ୍ରାଙ୍କୁ ବର୍ତ୍ତମାନ ସିଆରପିଏଫ୍ ପକ୍ଷରୁ ସୁରକ୍ଷା ଯୋଗାଇଦିଆଯିବ। ପୂର୍ବରୁ ଏସ୍ପିଜି ସୁରକ୍ଷା ରହିଥିଲା। କେନ୍ଦ୍ର ସରକାର ଏହି ସୁରକ୍ଷା ବ୍ୟବସ୍ଥା ପ୍ରତ୍ୟାହାର କରିଦେବା ପରେ ସୋମବାର ଏଥିରେ ପରିବର୍ତ୍ତନ ଆସିଛି।
ଆଜି ସୋନିଆଙ୍କ ୧୦ ଜନପଥରେ ଅର୍ଦ୍ଧ ସାମରିକ ବାହିନୀର କମାଣ୍ଡୋ ଏକ୍ସ-୯୫, ଏକେ ସିରିଜ୍ ଏବଂ ଏମ୍ପି-୫ ବନ୍ଧୁକ ସହ ସୁରକ୍ଷା ଦେବା ଆରମ୍ଭ କରିଛନ୍ତି। ଏହିଭଳି ସମାନ ସୁରକ୍ଷା ରାହୁଲ ଗାନ୍ଧିଙ୍କ ତୁଗଲକ୍ ଲେନ୍ରେ ମଧ୍ୟ କରାଯାଇଛି। ପ୍ରିୟଙ୍କା ଗାନ୍ଧି ଭଦ୍ରାଙ୍କ ଲୋଧି ଇଷ୍ଟେଟ୍ରେ ମଧ୍ୟ ସମାନ ବ୍ୟବସ୍ଥା କରାଯାଇଛି।
ସିଆରପିଏଫ୍କୁ ମିଳିଥିବା ନିର୍ଦ୍ଦେଶ ବଳରେ ବର୍ତ୍ତମାନ ଭିଭିଆଇପି ସିକ୍ୟୁରିଟି ୟୁନିଟ୍ କୁହାଯାଉଥିବା ‘ଜେଡ୍ ପ୍ଲସ୍’ ସୁରକ୍ଷା ଯୋଗାଇଦିଆଯିବ। କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ଏହି ସୁରକ୍ଷାଗତ ପରିବର୍ତ୍ତନ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
