ନୂଆଦିଲ୍ଲୀ: ଆସନ୍ତା ୧୦ରେ କଂଗ୍ରେସ କାର୍ଯ୍ୟକାରିଣୀ କମିଟି(CWC)ର ଏକ ଗୁରୁତ୍ୱପୂର୍ଣ୍ଣ ବୈଠକ ବସିବ। ଏହି ବୈଠକରେ ଦଳର ନୂଆ ଅଧ୍ୟକ୍ଷ ଚୟନ ନେଇ ନିଷ୍ପତ୍ତି ନିଆଯିବ ବୋଲି ଜଣାପଡ଼ିଛି। କଂଗ୍ରେସ ଅଧ୍ୟକ୍ଷ ପଦବୀରୁ ରାହୁଲ ଗାନ୍ଧି ଇସ୍ତଫା ଦେବା ପରେ ଏବେ ନୂଆ ଅଧ୍ୟକ୍ଷ କିଏ ହେବେ ସେ ନେଇ ଦୀର୍ଘ ସମୟ ଧରି କଳ୍ପନା ଜଳ୍ପନା ଚାଲିଛି।
ତେବେ ନୂଆ ଅଧ୍ୟକ୍ଷ ଚୟନ ବିଷୟରେ ବସିବାକୁ ଥିବା କଂଗ୍ରେସ କାର୍ଯ୍ୟକାରିଣୀ ବୈଠକରେ କେଉଁ କେଉଁ ନେତା ସାମିଲ୍ ହେବେ, ସେ ନେଇ ସ୍ପଷ୍ଟ ସୂଚନା ମିଳିନାହିଁ। ତଥାପି ଯେହେତୁ ଦଳର ଜାତୀୟ ଅଧ୍ୟକ୍ଷ ପଦବୀ ପାଇଁ ଏହି ବୈଠକରେ ନିଷ୍ପତ୍ତି ନିଆଯିବାକୁ ଥିବାରୁ ଦଳର ପୂର୍ଣ୍ଣକାଳୀନ ୨୪ ସଦସ୍ୟ ବୈଠକରେ ସାମିଲ ହେବା ନିଶ୍ଚିତ ବୋଲି ଜଣାପଡ଼ିଛି।