ନୂଆଦିଲ୍ଲୀ: ଚାରି ବର୍ଷର ଝିଅକୁ ଦୁଷ୍କର୍ମ କରିବା ଅଭିଯୋଗରେ ଅଭିଯୁକ୍ତଙ୍କୁ ଫାଶୀ ଦଣ୍ଡ ଶୁଣାଇଛନ୍ତି କୋର୍ଟ। ଅତିରିକ୍ତ ସେସନ୍ସ ଜଜ ଦିନେଶ କୁମାର ଶର୍ମା ବୁଧବାର ଏହି ଦଣ୍ଡ ଶୁଣାଇଛନ୍ତି। ଏହି ଘଟଣା ଘଟିଛି ମଧ୍ୟପ୍ରଦେଶର ସତନା ଜିଲ୍ଲାରେ। ଅଭିଯୁକ୍ତର ନାଁ ମହେନ୍ଦ୍ର ସିଂହ ଗୌଡ। ଅଭିଯୁକ୍ତ ମହେନ୍ଦ୍ର ସରକାରୀ ସ୍କୁଲର ଅତିଥି ଶିକ୍ଷକ ବୋଲି ଜଣାପଡ଼ିଛି।
ସୌଭାଗ୍ୟାବଶତଃ ଝିଅଟି ଅଳ୍ପକେ ରକ୍ଷା ପାଇ ଯାଇଛି। ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ସ୍ୱତନ୍ତ୍ର ବିମାନ ଯୋଗେ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଛି। ଦିଲ୍ଲୀ ଏମ୍ସରେ ନାବାଳିକାର ଚିକିତ୍ସା ଜାରି ରହିଛି।
ସରକାରୀ ଓକିଲ ରାମପାଲ ସିଂହ କହିଛନ୍ତି,“ ଗତ ଜୁଲାଇ ମାସରେ ନାବାଳିକା ଜଣଙ୍କ ରାତିରେ ତାର ବାପାଙ୍କ ପାଖରେ ଶୋଇଥିଲା। ଏହି ସମୟ ମହେନ୍ଦ୍ର ନାବାଳିକାକୁ ଅପହରଣ କରି ନେଇ ତାକୁ ଦୁଷ୍କର୍ମ କରିଥିଲା। ନାବାଳିକା ଜଣଙ୍କ ମରିଯାଇଥିବା ଭାବି ତାଙ୍କୁ ଜଙ୍ଗଲରେ ଫିଙ୍ଗି ଦେଇଥିଲା।
ପୁଲିସ୍ର କହିବା ଅନୁସାରେ, ଜୁଲାଇ ମାସରେ ମହେନ୍ଦ୍ର ଜଣେ ନାବାଳିକାକୁ ଦୁଷ୍କର୍ମ କରିଥିଲେ। ସାକ୍ଷୀ ଓ ପ୍ରମାଣ ଆଧାରରେ ତାଙ୍କୁ କୋର୍ଟରେ ହାଜର କରାଯାଇଥିଲା। କୋର୍ଟରେ ୪୭ ଦିନ କେସ୍ ଚାଲିଥିଲା। ବୁଧବାର ଦିନ କୋର୍ଟ ମହେନ୍ଦ୍ରକୁ ଫାଶୀଦଣ୍ଡ ଶୁଣାଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
