ମୁମ୍ୱାଇ: ଆକ୍ଟିଂ ସହ ପଲିଟିକ୍ସରେ ବି ସଫଳ ହେଲେ ବଲିଉଡର ଆକ୍ସନ ହିରୋ ସନ୍ନି ଦେଓଲ। ଚଳିତ ଥର ପ୍ରଥମ କରି ନିର୍ବାଚନ ମଇଦାନକୁ ଓହ୍ଲାଇଥିଲେ। ତଥାପି ବାଜି ମାରିନେଲେ। ଏଥର ସନ୍ନି ଲୋକସଭାରେ ବସିବା ପକ୍କା ହୋଇଗଲା । ନିର୍ବାଚନ କମିଶନରଙ୍କ ଶେଷ ରିପୋର୍ଟ ସୁଦ୍ଧା ସନ୍ନି ୫, ୪୮, ୭୮୦ ଭୋଟ ପାଇଛନ୍ତି। ହେଲେ ତାଙ୍କ ପ୍ରତିଦ୍ୱନ୍ଦ୍ୱୀ ସୁନୀଲ ଜାଖଡ ୪, ୭୧ ହଜାର ୫୪୮ ଭୋଟ ପାଇ ପରାଜିତ ହୋଇଛନ୍ତି।
ପୁଅ ଜିତିବାରେ ବାପା ଧର୍ମେନ୍ଦ୍ର ବି ବେଶ୍ ଉତ୍ସାହିତ । ବଲିଉଡ଼ର ଏହି ଭେଟେରାନ ଆକ୍ଟର ଟ୍ୱିଟ କରି ପ୍ରଧାନମନ୍ତ୍ରୀ ଓ ପୁଅ ସନ୍ନି ଦେଓଲଙ୍କୁ ଜଣାଇଛନ୍ତି ଶୁଭେଚ୍ଛା। ସେ ପ୍ରଧାନମନ୍ତ୍ରୀ ମୋଦିଙ୍କୁ ଫକୀର ବାଦଶାହା ଓ ପୁଅ ସନ୍ନିଙ୍କୁ ଧରିତ୍ରୀ ମାଆର ପୁଅ ବୋଲି କହିଛନ୍ତି। ଏହା ସହ ‘ଅଚ୍ଛେ ଦିନ’ ସତରେ ଆସିଗଲା ବୋଲି ଟ୍ୱିଟ କରିଛନ୍ତି।
Faqeer Badshah Modi JI , Dharti puttra sunny Deol, Congratulations. Achhe Din Yaqeenan Ayen Ge 🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌳. pic.twitter.com/wisnZ6XIpa
— Dharmendra Deol (@aapkadharam) 23 May 2019
ସନ୍ନି ଦେଓଲ ପଞ୍ଜାବର ଗୁରୁଦାସପୁର ସିଟ୍ରୁ ଭାଜପାର ଲୋକସଭା ପ୍ରାର୍ଥୀ ଥିଲେ। ଏହି ସିଟ୍ରୁ ସନ୍ନିଙ୍କ ସହ ଲଢୁଥିବା ସୁନୀଲ ଜାଖଡ ମଧ୍ୟ ତାଙ୍କ ପୁଅ ଭଳି ବୋଲି କହିଛନ୍ତି ଧର୍ମେନ୍ଦ୍ର। ଆଗରୁ ସେ ଯଦି ଜାଣିଥାନ୍ତେ ସନ୍ନି ଓ ସୁନୀଲ ମୁହାଁମୁହିଁ ହେଉଛନ୍ତି, ତା ହେଲେ ସେ କେବେ ବି ନିର୍ବାଚନ ଲଢିବାକୁ ପୁଅକୁ ଅନୁମତି ଦେଇନଥାନ୍ତେ। ଗୁରୁଦାସପୁର ସିଟ୍ରୁ ପୂର୍ବରୁ ସ୍ୱର୍ଗୀୟ ବିନୋଦ ଖନ୍ନା ବିଜେପିର ସାଂସଦ ରହିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
