ଡିସେମ୍ବର ୩ରୁ ଭିନ୍ନକ୍ଷମଙ୍କୁ ମିଳିବ ସ୍ୱତନ୍ତ୍ର ପରିଚୟପତ୍ର

ନୂଆଦିଲ୍ଲୀ: ଭିନ୍ନକ୍ଷମଙ୍କୁ ମିଳିବ ସ୍ୱତନ୍ତ୍ର ପରିଚୟପତ୍ର। ଆସନ୍ତା ଡିସେମ୍ୱର ୩ତାରିଖରେ ବିଶ୍ୱ ଭିନ୍ନକ୍ଷମ ଦିବସରେ ଭାରତ ସରକାର ଏହି ପରିଚୟ ପତ୍ର ପ୍ରଦାନ କରିବେ। ଆସନ୍ତା ୨ବର୍ଷ ଭିତରେ ଦେଶରେ ଥିବା ୨କୋଟି ୮୬ ଲକ୍ଷ ଭିନ୍ନକ୍ଷମଙ୍କୁ ଏହି ପରିଚୟ ପତ୍ର ପ୍ରଦାନ କରାଯିବ।  ଏହି ପରିଚୟ ପତ୍ରକୁ ଆଧାର କାର୍ଡ ସହ ବିଭିନ୍ନ କାର୍ଡ ସହ ଲିଙ୍କ୍ କରାଯିବ। ଫଳରେ ଭିନ୍ନକ୍ଷମମାନେ ଏହି ଗୋଟିଏ ପରିଚୟ ପତ୍ର ଦେଖାଇ ସାରା ଦେଶରେ  ସମସ୍ତ ସୁବିଧା ହାସଲ କରିପାରିବେ। ଏଥିସହିତ ଭାରତ ସରକାର ଭିନ୍ନକ୍ଷମମାନଙ୍କ ପାଇଁ ଭାରତ ସୁଗମ୍ୟ ଯୋଜନା ଆରମ୍ଭ କରିବାକୁ ଯାଉଛନ୍ତି।  ଏହି ଯୋଜନାର ପ୍ରଥମ ପର୍ଯ୍ୟାୟରେ ୪୮ଟି ସହର ସାମିଲ ହୋଇଥିବା ବେଳେ ଭୁବନେଶ୍ୱରକୁ ଏହି ଯୋଜଜନାରେ ସାମିଲ କରାଯାଇଛି। ଏହି ଯୋଜନାରେ ସରକାରୀ କାର୍ଯ୍ୟାଳୟରେ ଭିନ୍ନକ୍ଷମମାନଙ୍କ ପାଇଁ ଲିଫଟ୍, ଲାଡର, ରାମ୍ପ  ସୁବିଧା ରହିବ। ଏଥିପାଇଁ ଭୁବନେଶ୍ୱରର ଶହେଟି ସରକାରୀ କାର୍ଯ୍ୟାଳୟ ଏବଂ ୨୫ଟି ୱେବସାଇଟକୁ ଚିହ୍ନଟ କରାଯାଇଛି।