ସାବଧାନ ଯୌତୁକ ଲୋଭି: ବଧୂ ନିର୍ଯାତନା ମାମଲାରେ ଆସୁଛି କଡ଼ା ନିୟମ

ଭୁବନେଶ୍ୱର (ଓଡ଼ିଶା ରିପୋର୍ଟର): ଯୌତୁକ ନିର୍ଯାତନା ମାମଲାରେ ତୁରନ୍ତ ଅଭିଯୁକ୍ତଙ୍କୁ ଗିରଫ ନକରିବା ନେଇ ସୁପ୍ରିମକୋର୍ଟଙ୍କ ପୂର୍ବ ରାୟର ପୁନର୍ବିଚାର ହେବ। ଏନେଇ  ସୁପ୍ରିମକୋର୍ଟର ମୁଖ୍ୟ  ବିଚାରପତି ଜଷ୍ଟିସ ଦୀପକ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ତିନି ଜଣିଆ ଖଣ୍ଡପୀଠ ବିଚାର କରିବେ। ପୂର୍ବରୁ ଯୌତୁକ ନିର୍ଯାତନାରେ ଅଭିଯୁକ୍ତମାନଙ୍କୁ ତୁରନ୍ତ ଗିରଫ ଉପରେ ସୁପ୍ରିମକୋର୍ଟ ରହିତାଦେଶ ଜାରି  କରିଥିଲେ। ଜୁଲାଇ ୨୭ରେ ବିଚାରପତି ଜଷ୍ଟିସ ଏ.କେ. ଗୋଏଲ ଓ ଜଷ୍ଟିସ ୟୁ.ୟୁ. ଲଳିତଙ୍କୁ ନେଇ ଗଠିତ ଖଣ୍ଡପୀଠ ଯୌତୁକ ନିର୍ଯାତନା ଆଇନର ବ୍ୟାପକ ଦୁରୁପଯୋଗ ହେଉଥିବା ମତ  ଦେଇଥିଲେ। ଏପରିକି ସାଧାରଣ ସମସ୍ୟାକୁ ନେଇ  ଯୌତୁକ ନିର୍ଯାତନା ଅଭିଯୋଗ ଅଣାଯାଉଛି। ଏହାଦ୍ୱାରା ଅଭିଯୁକ୍ତଙ୍କ ପରିବାର ସଦସ୍ୟ ଓ ସମ୍ପର୍କୀୟମାନେ ହଇରାଣ ହେଉଛନ୍ତି। ଏଥିପାଇଁ ଏକ ଫାମିଲି ୱେଲଫେୟାର କମିଟି ଗଠନ କରିବାକୁ ନିର୍ଦ୍ଦେଶ ଦେଇଥିଲେ। ଏହି କମିଟିର ରିପୋର୍ଟ ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଖଣ୍ଡପୀଠ ରାୟ ଦେଇଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।