ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜିଠାରୁ ଦୁଇ ଦିନିଆ ୟୁଏଇ ଗସ୍ତରେ ଯାଇଛନ୍ତି । ମୋଦି ପ୍ରଥମେ ଆବୁଧାବି ଯିବେ । ସେଠାରେ ବ୍ୟବସାୟିକ ଓ ସାମରିକ ସମ୍ପର୍କକୁ ସୁଦୃଢ଼ କରିବା ଦିଗରେ ମୋଦି ୟୁଏଇ ନେତୃବର୍ଗଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି। ଶକ୍ତି କ୍ଷେତ୍ରରେ ସହଯୋଗ ବୃଦ୍ଧି ନେଇ ମଧ୍ୟ ଆଲୋଚନା ହେବ। ମୋଦି ଇସଲାମୀୟ ଐତିହ୍ୟ କୁହାଯାଉଥିବା ଶେଖ୍ ଯାମ୍ଭେଦ ମସଜିଦ ଓ ହାଇଟେକ୍, କାର୍ବନ ମୁକ୍ତ ମାସଦାର ସହର ବୁଲି ଦେଖିବାର କାର୍ଯ୍ୟକ୍ରମ ରହିଛି। ଗସ୍ତ ବେଳେ ୟୁଏଇରେ ବସବାସ କରୁଥିବା ଭାରତୀୟଙ୍କୁ ମୋଦି ସମ୍ୱୋଧନ କରିବାର ମଧ୍ୟ କାର୍ଯ୍ୟକ୍ରମ ରହିଛି। ୩୪ବର୍ଷ ପରେ କୌଣସି ଭାରତୀୟ ପ୍ରଧାନମନ୍ତ୍ରୀ ୟୁଏଇ ଯାଇଛନ୍ତି । ପୂର୍ବରୁ ୧୯୮୧ରେ ଇନ୍ଦିରା ଗାନ୍ଧି ୟୁଏଇ ଯାଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
