କଣ୍ଟାଇ: ପ୍ରିୟଙ୍କା ଗାନ୍ଧିଙ୍କୁ କଂଗ୍ରେସ ଦଳର ମହା ସଚିବ ଏବଂ ଉତ୍ତରପ୍ରଦେଶ ଦାୟିତ୍ୱ ଦେବାକୁ ନେଇ ବର୍ଷିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ। ଏକ ପରିବାର ଦ୍ୱାରା ଶାସିତ ସରକାର କେବେ ମଧ୍ୟ ‘ମଜଭୁତ’ ସରକାର ଓ ସୁଶାସନ ଦେଇପାରିବନି, ଏହା କେବଳ ‘ମଜ୍ବୁର’ ସରକାର ଦେଇପାରିବ।
ଦୁର୍ନୀତି ବଢ଼ାଇବାପାଇଁ ପୂର୍ବରୁ ସୋନିଆଜୀ ଏବଂ ରାହୁଲ ଜୀ ଥିଲେ, ଏବେ ପ୍ରିୟଙ୍କାଜୀ ଆସିଗଲେ। ପୂର୍ବ ମେଦିନୀପୁର ଜିଲ୍ଲାର କଣ୍ଟାଇ ଅଞ୍ଚଳରେ ଏକ ଶୋଭାଯାତ୍ରାରେ ଶାହା ଏଭଳି ମନ୍ତବ୍ୟ ଦେଇଛନ୍ତି।
ସେ ଆହୁରି ମଧ୍ୟ କହିଛନ୍ତି, “ମୁଁ କହିବାକୁ ଚାହୁଁଛି ୟୁପିଏ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ନେତୃତ୍ୱରେ ଏହାର ୧୦ ବର୍ଷ ଶାସନରେ ଦୁଇଜଣ ଜୀ ଥିଲେ। ସେହି ସମୟରେ ହିଁ ଆମେ ୧୨ ଲକ୍ଷ ଟଙ୍କାର ୨ଜି ଦୁର୍ନୀତି ଦେଖିବାକୁ ପାଇଥିଲେ। ଆଉ ଏବେ ତୃତୀୟ ଜୀ ଭେଟ ହେବାପରେ କୁହନ୍ତୁ ତ ଏହାର ପରିମାଣ କେତେ ହେବ। କଂଗ୍ରେସ ୩ଜୀଙ୍କୁ ନେଇ ବୃହତ୍ ପରିମାଣର ଦୁର୍ନୀତି କରିବା ପାଇଁ ଦୀର୍ଘ ମିଆଦି ଯୋଜନା କରିଛି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
