ଇଡି ଚଡ଼କ: ଚିଦାମ୍ବରମ ପୁଅଙ୍କ ବ୍ୟାଙ୍କ ଅାକାଉଣ୍ଟ ସିଜ୍

ନୂଆଦିଲ୍ଲୀ: ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ବରମ ପୁଅ କାର୍ତ୍ତି ଚିଦାମ୍ବରମ୍ ବ୍ୟାଙ୍କ ଅାକାଉଣ୍ଟ ସିଜ୍ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି)। ବ୍ୟାଙ୍କ ଅାକାଉଣ୍ଟରେ ଥିବା ୧ କୋଟି ୧୬ ଲକ୍ଷ ଟଙ୍କା ସିଜ୍ କରି ଅାଟାଚ୍ କରିଛି ଇଡି । ଏଥିସହ ପି. ଚିଦାମ୍ବରମ୍ ଅର୍ଥମନ୍ତ୍ରୀ ଥିବା ସମୟରେ ତାଙ୍କ ଅଫିସ୍ ବ୍ୟବହାର କରିବା ଏବଂ ପ୍ରାୟ ୩୦୦ କୋଟି ବିଦେଶୀ ପୁଞ୍ଜିନିବେଶକୁ ବେଅାଇନ୍ ଭାବେ କ୍ଲିଅର କରିବା ପାଇଁ ପ୍ରଭାବିତ କରିଥିବା ଅଭିଯୋଗରେ ମଧ୍ୟ କାର୍ତ୍ତିଙ୍କୁ ଜେରା କରିଛି ଇଡି ।

ପୂର୍ବରୁ କାର୍ତ୍ତିଙ୍କ ବିଦେଶ ଯାତ୍ରା ଉପରେ କଟକଣା ଲଗାଇଛି ସିବିଅାଇ। ବିଦେଶରେ ଥିବା ବ୍ୟାଙ୍କ ଅାକାଉଣ୍ଟକୁ କାର୍ତ୍ତି ଧୀରେ ଧୀରେ ବନ୍ଦ କରୁଥିବା ଦର୍ଶାଇ ସୁପ୍ରିମକୋର୍ଟଙ୍କୁ ଅବଗତ କରିଥିଲା ସିବିଆଇ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।