ଶିଲଙ୍ଗ: ମେଘାଳୟରେ ଥିବା ଏକ ବେଆଇନ୍ କୋଇଲା ଖଣିରେ ଅଭାବନୀୟ ଘଟଣା ଘଟିଛି। ଏକ ନଦୀ କୂଳରେ ଥିବା କୋଇଲା ଖାଦାନରେ ଅତର୍କିତ ପାଣି ପଶିଯିବାରୁ ଏହା ମଧ୍ୟରେ ଥିବା ୧୩ ଜଣ ଶ୍ରମିକ ପ୍ରାଣ ହରାଇଥିବା କୁହାଯାଉଛି। ତେବେ ଶ୍ରମିକଙ୍କ ମୃତଦେହ ଉଦ୍ଧାର ହୋଇପାରି ନାହିଁ। ଏବେ ବି କୋଇଲା ଖଣି ମଧ୍ୟରେ ପାଣି ଭର୍ତ୍ତି ହୋଇ ରହିଥିବାରୁ ବିସ୍ତୃତ ସୂଚନା ମିଳିପାରି ନାହିଁ। ସେହିପରି ଖଣି ଖାଦାନରେ କେତେ ଜଣ ଶ୍ରମିକ କାମ କରୁଥିଲେ, ତାହା ମଧ୍ୟ ସ୍ପଷ୍ଟ ହୋଇନାହିଁ।
ଏହା ଥାଇଲ୍ୟାଣ୍ଡ ଗୁମ୍ଫାରେ ଛୋଟ ଛୋଟ ଫୁଟବୁଲ ଖେଳାଳି ଫସି ଯାଇଥିବା ଘଟଣାକୁ ମନେ ପକାଇ ଦେଇଛି।
ମିଳିଥିବା ସୂଚନା ଅନୁଯାୟୀ, “ ଶିଲଙ୍ଗ ସ୍ଥିତ ଲାୟଟେଇନ୍ ନଦୀ କୂଳରେ ଥିବା ଏକ ଛୋଟ ଖଣି ଖାଦାନରେ ୩ ଦିନ ହେଲା କିଛି ଶ୍ରମିକ କାର୍ଯ୍ୟ କରୁଥିଲେ। କିନ୍ତୁ ହଠାତ୍ ନଦୀରେ ପାଣି ବଢ଼ିଯିବାରୁ ଏହା ନିକଟସ୍ଥ ଖଣି ଖାଦାନ ଭିତରେ ପଶି ଯାଇଥିଲା। ଫଳରେ ଏହା ମଧ୍ୟରେ ଥିବା ଶ୍ରମିକମାନେ ନଦୀ ଜଳ ଭିତରେ ବୁଡ଼ି ଯାଇଥିଲେ। ବର୍ତ୍ତମାନ ଖଣି ଖାଦାନ ମଧ୍ୟରୁ ପମ୍ପ ଦ୍ୱାରା ପାଣି ବାହାର କରାଯାଉଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି।
୨୦୧୪ରେ ଜାତୀୟ ଗ୍ରୀନ୍ ଟ୍ରିବ୍ୟୁନାଲ ମେଘାଳୟରେ ଥିବା ସମସ୍ତ ବେଆଇନ୍ ଖଣି ଖାଦାନକୁ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ। ତଥାପି କିଛି ସ୍ଥାନରେ ଏବେ ବି ଖଣି ଉତ୍ତୋଳନ କାର୍ଯ୍ୟ ଜାରି ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
