ଗଣେଶ ପୂଜା ପାଇଁ  ବିଶାଖାପାଟଣାରେ ଚାଲିଛି ଜୋରଦାର ପ୍ରସ୍ତୁତି

ବିଶାଖାପାଟଣା:  ଆନ୍ଧ୍ରପ୍ରଦେଶର ବିଶାଖାପାଟଣାରେ ମଧ୍ୟ ଗଣେଶ ପୂଜା ପାଇଁ ଜୋରସୋରରେ ପ୍ରସ୍ତୁତି ଚାଲିଛି । ଗାଜୁୱାକା ଭୁୟୁଡିଏ କଲୋନୀରେ ମହାଗଣପତି ଯୁବକ ସଂଘ ପକ୍ଷରୁ ୨୦ ଲକ୍ଷ ଟଙ୍କା ବ୍ୟୟରେ  ୧୧୧ ଫୁଟର ଗଣେଶ ମୂର୍ତ୍ତି ନିର୍ମାଣ କରାଯାଉଛି । ଏଠାରେ ମହାବିନାୟକଙ୍କୁ ୮୦୦୦ କିଲୋଗ୍ରାମ ଓଜନର ବିଶାଳ ଲଡୁ ଅର୍ପଣ କରାଯିବ ବୋଲି ଜଣାପଡିଛି । ବିଶାଖା ଇଣ୍ଟିଗ୍ରେଟେଡ୍ ସୋସିଆଲ୍ ବେଲଫେୟାର୍ ଆସୋସିଏସନ୍ ପକ୍ଷରୁ ୧୦ ଲକ୍ଷ ଟଙ୍କାରେ  ୮୦ ଫୁଟର ମୂର୍ତ୍ତି ନିର୍ମାଣ କରାଯାଉଛି ।  ଏଠାରେ ୨୧ ଦିନ ଧରି ପୂଜା ଚାଲିଥାଏ। ଚଳିତବର୍ଷ ସହରର ୫୨୧ଟି ପୂଜାମଣ୍ଡପରେ ଗଣେଶଙ୍କ ମୂର୍ତ୍ତି ନିର୍ମାଣ କରାଯାଉଛି । ବିଭିନ୍ନ ସ୍ଥାନରେ ରାଜସ୍ଥାନରୁ ଆସିଥିବା କାରିଗରମାନେ ମୂର୍ତ୍ତି ନିର୍ମାଣ କରୁଛନ୍ତି ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।