କୋଲକାତା: ଆରପାରିରେ ବିଶିଷ୍ଟ ଶାସ୍ତ୍ରୀୟ ସଙ୍ଗୀତ ବିଶାରଦ ଗିରିଜା ଦେବୀ। ହୃଦଘାତରେ ତାଙ୍କର ପରଲୋକ ଘଟିଛି। ଗତକାଲି ଗୁରୁତର ଅବସ୍ଥାରେ ତାଙ୍କୁ କୋଲକତାର ସିକେ ବିର୍ଲା ହାର୍ଟ ରିସର୍ଚ୍ଚ ସେଣ୍ଟରରେ ଭର୍ତ୍ତି କରାଯାଇଥିଲା। ବିଳମ୍ବିତ ରାତିରେ ତାଙ୍କର ପରଲୋକ ହୋଇଛି। ତାଙ୍କ ମୃତ୍ୟୁରେ ସଙ୍ଗୀତ ଜଗତରେ ଏକ ଶୂନ୍ୟସ୍ଥାନ ସୃଷ୍ଟି ହୋଇଛି ବୋଲି ଅନେକ ସଙ୍ଗୀତ ପ୍ରେମୀ ମତ ଦେଇଛନ୍ତି।
ସଙ୍ଗୀତ କ୍ଷେତ୍ରରେ ବିଶେଷ ଅବଦାନ ପାଇଁ ଗତବର୍ଷ ଗିରିଜାଙ୍କୁ ପଦ୍ମ ବିଭୂଷଣ ସମ୍ମାନରେ ସମ୍ମାନିତ କରାଯାଇଥିଲା। ପୂର୍ବରୁ ୧୯୭୨ରେ ପଦ୍ମଶ୍ରୀ ଓ ୧୯୮୯ରେ ପଦ୍ମ ଭୂଷଣ ସମ୍ମାନରେ ସମ୍ମାନିତ ହୋଇଥିଲେ।
ଠୁମୁରୀ ସଙ୍ଗୀତ ପାଇଁ ପ୍ରସିଦ୍ଧି ହାସଲ କରିଥିବା ଗିରିଜା ଦେବୀ ୧୯୪୯ ମସିହାରେ ଆକାଶବାଣୀରୁ ତାଙ୍କର କ୍ୟାରିୟର ଆରମ୍ଭ କରିଥିଲେ। ପରେ କୋଲକାତାର ସଙ୍ଗୀତ ଗବେଷଣା ଏକାଡେମୀରେ ଅଧ୍ୟାପନା କରିଥିଲେ। ୧୯୮୦ ମସିହାରୁ ବନାରସ ହିନ୍ଦୁ ବିଶ୍ୱ ବିଦ୍ୟାଳୟରେ ମଧ୍ୟ ଅଧ୍ୟାପନା କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
