ଭୁବନେଶ୍ୱର:ସୁନାରେ ଲାଗିବ ୩ ପ୍ରତିଶତ ଜିଏସଟି। ପୂର୍ବରୁ ସୁନା ଉପରରେ ୨ରୁ ୬ ପ୍ରତିଶତ ଟିକସ ଲାଗୁଥିଲା। ସେହିପରି ପୋଷାକରେ ୧୨ ଓ ବିସ୍କୁଟ୍ ଉପରେ ୧୮ ପ୍ରତିଶତ ଟିକସ ଲାଗିବ। ଆଜି ବସିଥିବା ଜିଏସଟି କାଉସିଲ୍ ବୈଠକରେ ବିଭିନ୍ନ ସାମଗ୍ରୀ ଉପରେ ଟିକସ ହାର ନିର୍ଦ୍ଧାରଣ କରାଯାଇଛି। ସେହିପରି ଜୁଲାଇ ପହିଲାରୁ ଜିଏସଟି ଲାଗୁ ପାଇଁ ସବୁ ରାଜ୍ୟ ସହମତି ପ୍ରଦାନ କରିଛନ୍ତି ।
କେରଳ ଅର୍ଥମନ୍ତ୍ରୀ ଥୋମାସ ଆଇଜାକ୍ ଏହି ସୂଚନା ଦେଇଛନ୍ତି। ତେବେ ଜିଏସ୍ଟିକୁ ବର୍ତ୍ତମାନ ପରିପ୍ରେକ୍ଷୀରେ ଗ୍ରହଣ କରାଯିବ ନାହିଁ ବୋଲି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କିଛି ଦିନ ତଳେ କହିଥିଲେ ।
ତେବେ ପଶ୍ଚିମବଙ୍ଗ ଅର୍ଥମନ୍ତ୍ରୀ ଅମିତ୍ ମିତ୍ର ଆଜିର ବୈଠକରେ ଯୋଗ ଦେଇଥିଲେ। ସେପଟେ ଜିଏସଟି ରୁଲ୍ସ ଓ ଅନ୍ୟାନ୍ୟ ପ୍ରସଙ୍ଗଗୁଡିକୁ ମଧ୍ୟ ଆଜିର ବୈଠକରେ ଅନୁମୋଦନ ମିଳିଛି। ଗତ ମାସରେ ବସିଥିବା ବୈଠକରେ ୧୨ଶହ ସାମଗ୍ରୀ ଓ ୫ଶହ ସେବା କ୍ଷେତ୍ରକୁ ଜିଏସଟି ପରିସରରୁ ଆଣିବାକୁ ସ୍ଥିର ହୋଇଥିଲା। ସେହିପରି ଟିକସ ପରିମାଣ ଯଥାକ୍ରମେ ୫, ୧୨, ୧୮ ଓ ୨୮ ପ୍ରତିଶତ ରଖିବାକୁ ବୈଠକରେ ନିଷ୍ପତ୍ତି ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
