ଅହମଦାବାଦ: ଗୁଜରାଟର ଗୃହମନ୍ତ୍ରୀ ରଜନୀ ପଟେଲଙ୍କ ମେହସାଣା ଅଫିସରେ ହାର୍ଦ୍ଦିକ ପଟେଲଙ୍କ କିଛି ସମର୍ଥକ ଆଜି ଭଙ୍ଗାରୁଜା କରିଛନ୍ତି। ବିକ୍ଷୋଭକାରୀ ଅଫିସରେ ଥିବା ୪ଟି ବାଇକ୍ରେ ନିଆଁ ଲଗାଇ ଦେଇଛନ୍ତି। ସେହିପରି ମେହସାଣାରେ ଥିବା ସ୍ୱାସ୍ଥ୍ୟମନ୍ତ୍ରୀ ନୀତିନ ପଟେଲଙ୍କ ଅଫିସରେ ମଧ୍ୟ ଭଙ୍ଗାରୁଜା କରିଛନ୍ତି। ପୋଲିସ୍ ହାର୍ଦ୍ଦିକଙ୍କ ସମର୍ଥକଙ୍କ ଉପରେ ଲାଠିଚାର୍ଯ୍ୟ କରିବା ସହ ୪୩୫ ଜଣ ପାଟିଦାରଙ୍କୁ ଗିରଫ କରିଛି। ଏହି ଘଟଣା ପରେ ମେହସାଣାରେ କର୍ଫ୍ୟୁ ଜାରି କରାଯାଇଛି।
ଉତ୍ତେଜନାକୁ ଦୃଷ୍ଟିରେ ରଖି ଅହମଦାବାଦର କେତେକ ଅଞ୍ଚଳରେ ପୋଲିସ୍ ଫୋର୍ସ ମୁତୟନ କରାଯାଇଛି। ମେହସଣା ଜିଲ୍ଲାପାଳ ଅଞ୍ଚଳରେ ଇଣ୍ଟରନେଟ୍ ସେବା ବନ୍ଦ କରିବାକୁ ନୋଟିସ୍ କରିଛନ୍ତି।
ଗୁଜରାଟ ଗୃହମନ୍ତ୍ରୀ ରଜନୀ ପଟେଲ ହାର୍ଦ୍ଦିକଙ୍କ ସମର୍ଥକମାନଙ୍କୁ ଶାନ୍ତି ବଜାଇ ରଖିବାକୁ ଅନୁରୋଧ କରିଛନ୍ତି।
ହାର୍ଦ୍ଦିକ ଦେଶଦ୍ରୋହ ଅପରାଧରେ ବର୍ତ୍ତମାନ ଜେଲରେ ଅଛନ୍ତି। ପାଟିଦାର ହାର୍ଦ୍ଦିକ ପଟେଲକୁ ସମର୍ଥନ କରି ଜେଲ ଭର ଆନ୍ଦୋଳନ କରିଥିଲେ।