ଦିଲ୍ଲୀ ପରେ ଜାମ୍ମୁ ଓ କାଶ୍ମୀରରେ ଏବେ ଯୁବତୀଙ୍କ ଚୁଟି କଟା ଆତଙ୍କ

ଭୁବନେଶ୍ୱର (ଓଡ଼ିଶା ରିପୋର୍ଟର): ଆଜି ବି କାଶ୍ମୀର ଉପତ୍ୟକାରେ ବନ୍ଦ ରହିଛି ବିଭିନ୍ନ ସ୍କୁଲ, କଲେଜ ଏବଂ ଶିକ୍ଷାନୁଷ୍ଠାନ। ଯୁବତୀଙ୍କ ଚୁଟି କଟା ଘଟଣାକୁ ନେଇ ସରକାରୀ ଶିକ୍ଷାନୁଷ୍ଠାନକୁ ବନ୍ଦ ପାଇଁ ନିଦ୍ଦେର୍ଶ ଦେଇଛନ୍ତି ରାଜ୍ୟ ସରକାର। ଗତ କିଛି ମାସ ମଧ୍ୟରେ ଜାମ୍ମୁ ଓ କାଶ୍ମୀର ଅଞ୍ଚଳରେ ଯୁବତୀଙ୍କ ଚୁଟି କଟା ଘଟଣା ସମ୍ନାକୁ ଆସିଛି। ଘରେ ଶୋଇଥିବା ବେଳେ କୌଣସି ଦୁବୃର୍ତ୍ତ ଚୁଟି କାଟି ଦେବାକୁ ନେଇ କୋକୁଆ ଭୟ ସୃଷ୍ଟି ହୋଇଛି। ତେବେ ଘଟଣାରେ ଅପରାଧିକ ଷଡଯନ୍ତ୍ର ଥିବା ସନ୍ଦେହ କରି ଆନ୍ଦୋଳନ ଡକରା ଦେଇଛି ହୁରିୟତ। ପରିସ୍ଥିତିକୁ ଆୟତକୁ ଆଣିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ବିକ୍ଷୋଭ ପ୍ରଦର୍ଶନ ଉପରେ ରୋକ ଲାଗାୟାଇଛି। ମାମଲାର ତଦନ୍ତ ଜାରି ରଖିଛି ପୋଲିସ। ଦୁବୃର୍ତ୍ତଙ୍କ ସମ୍ପର୍କରେ ସୂଚନା ଦେଲେ ୬ ଲକ୍ଷ ଟଙ୍କା ପୁରସ୍କାର ଦିଆଯିବ ବୋଲି ଘୋଷଣା କରିଛି ରାଜ୍ୟ ପୋଲିସ। ଉତ୍ତରପ୍ରଦେଶ, ରାଜସ୍ଥାନ, ହରିଆଣା, ପଞ୍ଜାବ ଏବଂ ଦିଲ୍ଲୀ ପରେ ଜାମ୍ମୁ ଓ କାଶ୍ମୀରରେ ଚୁଟି କଟାକୁ ନେଇ ଆତଙ୍କ ଖେଳିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।