ଅହମ୍ମଦାବାଦ୍: ଭାଷଣ ମାଧ୍ୟମରେ ଲୋକଙ୍କୁ ଉତ୍ତେଜିତ କରିବା ଅଭିଯୋଗରେ ଅହମ୍ମଦାବାଦର ଏକ କୋର୍ଟ କୋଟା ପାଇଁ ଆନ୍ଦୋଳନ କରୁଥିବା ନେତା ହାର୍ଦ୍ଦିକ ପଟେଲକୁ ୭ ଦିନିଆ ରିମାଣ୍ଡରେ ନେଇଛି କ୍ରାଇମବ୍ରାଞ୍ଚ । ୧୪ଦିନ ରିମାଣ୍ଡରେ ନେବାକୁ କ୍ରାଇମବ୍ରାଞ୍ଚ କୋର୍ଟଙ୍କ ନିକଟରେ ଆବେଦନ କରିଥିଲେ । ମେଟ୍ରୋପଲିଟାନ୍ ମାଜିଷ୍ଟ୍ରେଟ୍ ଏସ.ଜେ. ବ୍ରହ୍ମଭାତ୍ ଆବେଦନର ବିଚାର କରି ୭ ଦିନ ରିମାଣ୍ଡରେ ନେବାକୁ କ୍ରାଇମବ୍ରାଞ୍ଚକୁ ନିର୍ଦ୍ଦେଶ ଦେଇଛନ୍ତି। ପଟିଦାର ଅନାମତ ଆନ୍ଦୋଳନ ସମିତି (ପିଏଏଏସ)ର ନେତା ହାର୍ଦ୍ଦିକ୍ ଗତରାତିରେ ମାଜିଷ୍ଟ୍ରେଟଙ୍କ ବାସଗୃହରେ ହାଜର ହୋଇଥିଲେ। ଆଜି ସକାଳୁ ପୁଣି ତାଙ୍କୁ ମାଜିଷ୍ଟ୍ରେଟଙ୍କ ନିକଟରେ ହଜାର କରାଯାଇଥିଲା।
ସୂଚନାଯୋଗ୍ୟ, ଅଗଷ୍ଟ ୨୫ ତାରିଖରେ ହାର୍ଦ୍ଦିକ ପଟେଲମାନଙ୍କ ପାଇଁ ସଂରକ୍ଷଣ ଦାବି କରି ଏକ ବିଶାଳ ସମାବେଶ କରିଥିଲେ । ଏଥିରେ ପଟେଲ ସମ୍ପ୍ରଦାୟର ହଜାର ହଜାର ଲୋକ ସାମିଲ ହୋଇଥିଲେ । ଏହାକୁ ନେଇ ଗୁଜରାଟରେ ବ୍ୟାପକ ହିଂସା ଦେଖା ଦେଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
