ନୂଆଦିଲ୍ଲୀ: କରୋନା ଲକ୍ଷଣ ଦେଖା ଦେବା ପରେ ବିଜେପି ନେତା ତଥା ଦଳର ମୁଖପାତ୍ର ସମ୍ୱିତ ପାତ୍ର ହସ୍ପିଟାଲରେ ଭର୍ତ୍ତି ହୋଇଛନ୍ତି। ଏବେ ସେ ଗୁରୁଗ୍ରାମର ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି। ସମ୍ୱିତ ହେଉଛନ୍ତି ବିଜେପିର ଏକ ଏମିତି ଚେହେରା ଯିଏକି ପ୍ରାୟତଃ ପ୍ରତିଦିନ ଟିଭି ଚ୍ୟାନେଲରେ ଦଳର ପକ୍ଷ ରଖନ୍ତି। ପୁରୀ ଲୋକସଭା ଆସନର ଏହି ବିଜେପି ପ୍ରାର୍ଥୀ କରୋନାରେ ଆକ୍ରାନ୍ତ ହେବା ପରେ ସୋଶାଲ ମିଡିଆରେ ମଧ୍ୟ ତାଙ୍କ ଆରୋଗ୍ୟ କାମନା କରାଯାଇ ଅନେକ ପୋଷ୍ଟ ହୋଇଛି। ଏଯାବତ ସମ୍ୱିତ କରୋନାରେ ଆକ୍ରାନ୍ତ ହୋଇଛନ୍ତି ବୋଲି ଡାକ୍ତର କିମ୍ୱା ହସ୍ପିଟାଲ କତ୍ତୃପକ୍ଷ ସ୍ପଷ୍ଟ କରି ନାହାନ୍ତି।
https://twitter.com/amitmalviya/status/1265972442612162560
ଏହାରି ଭିତରେ ବିଜେପି ଆଇଟି ସେଲର ମୁଖ୍ୟ ଅମିତ ମାଲବ୍ୟ ଟୁଇଟ୍ କରି କହିଛନ୍ତି, ‘ମୁଁ ସମ୍ବିତ ପାତ୍ରଙ୍କୁ ଫୋନ୍ କରି କଥା ହୋଇଛି। ତାଙ୍କର ମନୋବଳ ଏବେ ଠିକ୍ ରହିଛି। ଖୁବଶୀଘ୍ର ସେ ଆରୋଗ୍ୟ ହେବେ’।
https://twitter.com/JM_Scindia/status/1265939606735917057
ବିଜେପି ନେତା ଜ୍ୟୋତିରାଦିତ୍ୟ ସିନ୍ଧିଆ ମଧ୍ୟ ଟୁଇଟ୍ କରି ସମ୍ୱିତ ପାତ୍ରଙ୍କ ଆରୋଗ୍ୟ କାମନା କରିଛନ୍ତି। ସେହିପରି କଂଗ୍ରେସର ନେତା ତଥା ନିକଟରେ କରୋନାରେ ଆକ୍ରାନ୍ତ ହୋଇଥିବା ସଞ୍ଜୟ ଝା’ ମଧ୍ୟ ଟୁଇଟ୍ କରି ସମ୍ୱିତଙ୍କ ଆରୋଗ୍ୟ କାମନା କରିଛନ୍ତି।
https://twitter.com/JhaSanjay/status/1265976507551358976
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
