୫ ଘଣ୍ଟାର ବର୍ଷାରେ ହାଇଦ୍ରାବାଦ୍‌ ସ୍ଥିତି ବେହାଲ: ସ୍କୁଲ, କଲେଜ ବନ୍ଦ

ହାଇଦ୍ରାବାଦ: ୫ ଘଣ୍ଟାର ଲଗାଣ ବର୍ଷା ପରେ ହାଇଦ୍ରାବାଦର ସ୍ଥିତି ବେହାଲ ହୋଇଯାଇଛି। ପ୍ରବଳ ବର୍ଷା ଯୋଗୁଁ ହାଇଦ୍ରାବାଦ ସମେତ ଆଖପାଖ ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଛି। ଚାରିଆଡେ ପାଣି ଜମି ରହିଥିବାରୁ ଯାତାୟତରେ ଅସୁବିଧାରେ ସୃଷ୍ଟି ହୋଇଛି। ବର୍ଷା ଯୋଗୁଁ ତିନି ଜଣଙ୍କ ମୃତ୍ୟୁ ଘଟିଥିବା ମଧ୍ୟ ଜଣାପଡିଛି। ଗତକାଲି ସନ୍ଧ୍ୟାରେ ଏହି ବର୍ଷା ହୋଇଥିଲା।

ଆଜି ସହରର ସମସ୍ତ ସ୍କୁଲ, କଲେଜ ଓ ଅନ୍ୟ ଶିକ୍ଷାନୁଷ୍ଠାନ ଗୁଡିକୁ ଛୁଟି ଘୋଷଣା କରାଯାଇଛି।

ଗତକାଲି ସହରରେ ସାଢେ ୪ଟାରୁ ସେଢେ ୮ଟା ପର୍ଯ୍ୟନ୍ତ ୬୭.୬ ମିମି ବର୍ଷା ହୋଇଥିଲା। ଆଜି ବି ସହରରେ ବର୍ଷା ହେବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି।

ପ୍ରବଳ ବର୍ଷା ଯୋଗୁଁ  ଲୋକେ ୧୨ ଘଣ୍ଟା ଧରି ରେଳ ଷ୍ଟେସନ ଓ କାର୍ଯ୍ୟାଳୟରେ ଫସି ରହିଥିଲେ। ଏପରିକି କିଛି ସମୟ ରେଳ ଚଳାଚଳ ବନ୍ଦ କରି ଦିଆଯାଇଥିଲା।

ତେଲଙ୍ଗନା ମୁଖମନ୍ତ୍ରୀ ଚନ୍ଦ୍ର ଶେଖର ରାଓ ସହରର ନିଗମ ପ୍ରମୁଖ ଓ ପୋଲିସ୍‌ ପ୍ରମୁଖଙ୍କ ସହ ହାଇଦ୍ରାବଦର ସ୍ଥିତି ନେଇ ଆଲୋଚନା କରିଛନ୍ତି। ଏହାସହ  ଅଧିକାରୀଙ୍କୁ ସତର୍କ ରହିବାକୁ କହିଛନ୍ତି।

 

 

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।