ନୂଆଦିଲ୍ଲୀ: ୨୦୧୯ ପାଇଁ ଜିଡିପି ଅଭିବୃଦ୍ଧି ୬.୧% କୁ ହ୍ରାସ ହେବ ବୋଲି ମଙ୍ଗଳବାର ଆଇଏମ୍ଏଫ୍ ପକ୍ଷରୁ ଆକଳନ କରାଯାଇଛି। ଏହା ଏପ୍ରିଲ ମାସର ଆକଳନଠାରୁ ୧.୨% କମ୍। ଗତ ଏପ୍ରିଲ ମାସରେ ହିଁ ଆକଳନ କରାଯାଇଥିଲା ଅଭିବୃଦ୍ଧି ହାର ୭.୩କୁ ବୃଦ୍ଧି ପାଇବ। ଏହାର ୩ ମାସରେ ଆଇଏମ୍ଏଫ୍ ୦.୩% ହ୍ରାସ କରିଥିଲା।
୨୦୧୮ରେ ଭାରତର ପ୍ରକୃତ ଜିଡିପି ଅଭିବୃଦ୍ଧି ୬.୮କୁ ଲକ୍ଷ୍ୟ କରି ୨୦୧୯ରେ ୬.୧ ରହିବ ବୋଲି ଆକଳନ କରାଯାଇଛି। ୨୦୨୦ ସୁଦ୍ଧା ଏହା ପୂର୍ବବତ୍ ୭.୦%କୁ ଫେରିବ ବୋଲି ଆଶା କରାଯାଉଛି। ରବିବାର ବିଶ୍ୱ ବ୍ୟାଙ୍କ ପକ୍ଷରୁ ମଧ୍ୟ ସମାନ ମତ ପୋଷଣ କରାଯାଇଥିଲା।
ଆଇଏମ୍ଏଫ୍ ପକ୍ଷରୁ କୁହାଯାଇଛି, ଆର୍ଥିକ ନୀତିରେ ପରିବର୍ତ୍ତନ ଏବଂ କର୍ପୋରେଟ୍ ଟ୍ୟାକ୍ସ ହ୍ରାସ କରାଯାଇଥିବାରୁ ଏହା ଅଭିବୃଦ୍ଧିରେ ସହାୟକ ହେବ। ଗ୍ରାମାଞ୍ଚଳରେ ବିଭିନ୍ନ କାର୍ଯ୍ୟକ୍ରମ ଲୋକଙ୍କ କ୍ରୟଶକ୍ତି ବଢ଼ାଇବା ମଧ୍ୟ ଏଥିରେ ସହାୟକ ହୋଇପାରିବ। ଅଣବ୍ୟାଙ୍କିଙ୍ଗ ଆର୍ଥିକ ସଂସ୍ଥା ଓ କର୍ପୋରେଟ୍ ଆଦିରେ ମାନ୍ଦାବସ୍ଥା ଜିଡିପି ହ୍ରାସ ସମସ୍ୟାର ବଡ଼ କାରଣ ବୋଲି ସେ କହିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
