ରୋମ୍: ପ୍ରତିଦିନ ବିଶ୍ୱବ୍ୟାପୀ ମହାମାରୀ କରୋନାର ମୃତ୍ୟୁ ସଂଖ୍ୟା ବଢ଼ୁଛି। ଶୁକ୍ରବାର ଗୋଟିଏ ଦିନରେ କରୋନାରେ ୯୧୯ ଜଣଙ୍କର ମୃତ୍ୟୁ ଘଟିଛି। ଯାହାକି ଏଯାବତ ଗୋଟିଏ ଦିନରେ ସର୍ବାଧିକ ମୃତ୍ୟୁ ସଂଖ୍ୟା। ଏହାକୁ ମିଶାଇ ଇଟାଲୀରେ ମୋଟ ମୃତ୍ୟୁ ସଂଖ୍ୟା ୯,୧୩୪ ହୋଇଛି। ମୋଟ୍ ୮୬, ୪୯୮ ଜଣ ଆକ୍ରାନ୍ତ ହୋଇଥିବା ବେଳେ ୧୦,୯୫୦ ଜଣ ସୁସ୍ଥ ହୋଇଛନ୍ତି। ୬୬, ୪୧୪ ଜଣ ଏବେ କରୋନାରେ ଚିକିତ୍ସିତ ହେଉଛନ୍ତି। ୩,୭୩୨ ଜଣ ଗୁରୁତର ରହିଛନ୍ତି।
ଅନ୍ତର୍ଜାତୀୟ ଖବର ସରବରାହ ସଂସ୍ଥା ରଏଟର୍ସର ରିପୋର୍ଟ ଅନୁଯାୟୀ, ଏହା ପୂର୍ବରୁ ଇଟାଲୀରେ ମାର୍ଚ୍ଚ ୨୧ରେ ସର୍ବାଧିକ ମୃତ୍ୟୁ ସଂଖ୍ୟା ୭୯୩ ରହିଥିଲା। ଗୁରୁବାର ଦିନ ୭୧୨, ବୁଧବାର ୬୮୩, ମଙ୍ଗଳବାର ୭୪୩, ସୋମବାର ୬୦୨ ଓ ଶୁକ୍ରବାର ୯୧୯ ଜଣଙ୍କର ମୃତ୍ୟୁ ଘଟିଥିଲା।
ସୂଚନାଯୋଗ୍ୟ, ଏଯାଏ ୧୯୯ଟି ଦେଶରେ କରୋନା ବ୍ୟାପିଛି। ଆକ୍ରାନ୍ତଙ୍କ ସଂଖ୍ୟା ୫୯୭,୨୬୭ ଜଣ ରହିଥିବାବେଳେ ମୃତ୍ୟୁ ସଂଖ୍ୟା ୨୭,୩୬୫ ରହିଛି। ସୁସ୍ଥ ହୋଇ ୧୩୩,୩୬୩ ଫେରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
