ଚେନ୍ନାଇ: ଜୀବନ ହାରିଲେ ବାୟୁ ସେନା ଯବାନ। ନିଜ ସର୍ଭିସ ରାଇଫଲରୁ ଗୁଳି କରି ନିଜେ ଆତ୍ମହତ୍ୟା କରିଛନ୍ତି। ୨୨ ବର୍ଷୀୟ ଯବାନ ଜଣକ ଚେନ୍ନାଇର ଆଭାଡି ବାୟୁ ସେନା ବେସ୍ରେ ଚାକିରି କରିଥିଲେ। ଗୁରୁବାର ଭୋରୁ ୪ଟାରେ ଏହି ଘଟଣା ଘଟିଛି। ଆତ୍ମହତ୍ୟା କରିଥିବା ଯଚବାନ ଜଣକ ହେଉଛନ୍ତି ନିରବ ଚୌହାନ୍। ତେବେ ତାଙ୍କ ଆତ୍ମହତ୍ୟାର କରାଣ ଜଣାପଡ଼ି ନାହିଁ। ଗତ ଅଗଷ୍ଟ ୨୧ରେ ତାଲିମ ସରିବା ପରେ ନିରବ ଆଭାଡି ବାୟୁସେନା ବେସ୍ରେ ନିଯୁକ୍ତ ହୋଇଥିଲେ। ବୁଧବାର ନିରବ ଉକ୍ତ ବିମାନ ବେସ୍ର ଗେଟ୍ରେ ଗାର୍ଡ଼ ଡ୍ୟୁଟି ଦାଇତ୍ୱରେ ଥିଲେ। ତେବେ ରାତି ୪ଟାରେ ସେ ନିଜ ସର୍ଭିସ ବନ୍ଧୁକରେ ଆତ୍ମହତ୍ୟା କରିଛନ୍ତି। ବାୟୁସେନାର ତାଙ୍କ ସହଯୋଗୀମାନେ ତାଙ୍କୁ ମେଡିକାଲ ନେଇଥିଲେ। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୁଥିଲାପେଟ ପୁଲିସ ଏହି ଘଟଣାର ତଦନ୍ତ ଆରମ୍ଭ କରିଛି। କେଉଁ ପରିସ୍ଥତିରେ ନିରବ ଏଭଳି ଚରମ ନିଷ୍ପତ୍ତି ନେଲେ ତାକୁ ନେଇ ତଦନ୍ତ ଆରମ୍ଭ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
