ଶ୍ରୀନଗର: ‘ଦ କଶ୍ମୀର ଫାଇଲ୍ସ’ ଫିଲ୍ମକୁ ନେଇ ଜାରି ରହିଛି ବିବାଦ। ଫିଲ୍ମଟି ରିଲିଜ୍ ପରେ ଏବେ ୧୯୯୦ ମସିହାରେ ପ୍ରକୃତରେ କ’ଣ ଘଟିଥିଲା ତାହା ସାମ୍ନାକୁ ଆସିଛି। କିଭଳି ଭାବେ କଶ୍ମୀର ପଣ୍ଡିତମାନେ ଅତ୍ୟାଚାରର ଶିକାର ହୋଇଥିଲେ ଏବଂ କିଭଳି ତାଙ୍କ ନରସଂହାର କରାଯାଇଥିଲା ତାହା ଫିଲ୍ମରେ ଦେଖାଯାଇଛି।
ଏହି ଫିଲ୍ମ ରିଳିଜ ହେବା ପରଠାରୁ ଜମ୍ମୁକଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲାଙ୍କୁ ଟାର୍ଗେଟ କରାଯାଇଛି। ପଶ୍ମୀର ପଣ୍ଡିତଙ୍କ ପଳାୟନ ପାଇଁ ତାଙ୍କୁ କରାଯାଉଛି ଦାୟୀ। ସେ ସମୟରେ ଘଟିଥିବା ଘଟଣା ପାଇଁ ଫାରୁକ୍ ଅବଦୁଲ୍ଲା ଦାୟୀ ଏବଂ ସେ କଶ୍ମୀର ପଣ୍ଡିତଙ୍କୁ ନ୍ୟାୟ ଦେବାରେ ବିଫଳ ହୋଇଥିବା ନେଇ ଲୋକେ କହିବା ଆରମ୍ଭ କରିଦେଇଛନ୍ତି।
ଏସବୁ ଭିତରେ ନିଜ ଉପରେ ଉପରେ ଉଠୁଥିବା ପ୍ରଶ୍ନକୁ ନେଇ ମୁହଁ ଖୋଲିଛନ୍ତି ଫାରୁକ ଅବଦୁଲ୍ଲା। ୧୯୯୦ରେ କଶ୍ମୀରରେ ଯାହା ଘଟିଥିଲା ତାହା ଏକ ଷଡ଼ଯନ୍ତ୍ର ବୋଲି ସେ କହିଛନ୍ତି। ସେ ସମୟ ବହୁତ ଖରାପ ସମୟ ଥିଲା। ସେହି ସମୟରେ କଶ୍ମୀର ପଣ୍ଡିତମାନେ ସମ୍ମୁଖୀନ ହୋଇଥିବା ଅସୁବିଧା ପାଇଁ ମୋର ହୃଦୟ ଏବେ ବି କାନ୍ଦୁଛି। କୌଣସି ଏଭଳି କଶ୍ମୀରବାସୀ ନାହାନ୍ତି ଯାହାଙ୍କ ପାଇଁ ସେ କାନ୍ଦିନାହାଁନ୍ତି ବୋଲି ଇଣ୍ଡିଆ ଟୁଡେକୁ ଦେଇଥିବା ଏକ ସାକ୍ଷାତକାର୍ରେ କହିଛନ୍ତି ଫାରୁକ ଅବଦୁଲ୍ଲା।
ସେ ଆହୁରି କହିଛନ୍ତି, 'ସମସ୍ତେ ଚାହାଁନ୍ତି ଯେ କଶ୍ମୀର ପଣ୍ଡିତମାନେ ସେମାନଙ୍କ ଘରକୁ ଫେରନ୍ତୁ। ସେତେବେଳେ ଯାଇ କଶ୍ମୀର ସମ୍ପୂର୍ଣ୍ଣ ହେବ। ୧୯୯୦ରେ ଯାହା ଘଟିଲା ତାହା ଏକ ଷଡଯନ୍ତ୍ର ଥିଲା, ଏହି ଷଡଯନ୍ତ୍ର କିଏ କରିଥିଲା? ଏହାର ଅନୁସନ୍ଧାନ ପାଇଁ ଏକ ସ୍ୱତନ୍ତ୍ର କମିଟି ଗଠନ କରାଯିବା ଉଚିତ। ତେବେ ଯାଇ ଏଥିରେ କିଏ ଜଡିତ ଅଛି ତାହା ଜଣାପଡିବ। କିନ୍ତୁ ମୁଁ ଏଥିପାଇଁ ଦାୟୀ ନୁହେଁ। ସେ ସମୟରେ ଦିଲ୍ଲୀରେ ଶାସନ କରୁଥିବା ସରକାର ଏଥିପାଇଁ ଦାୟୀ। ଯଦି ମୁଁ ଦାୟୀ ବୋଲି ପ୍ରମାଣ ମିଳେ, ତେବେ ମୋତ ଫାଶୀଖୁଣ୍ଟରେ ଝୁଲାଇ ଦିଆଯାଉ।'
କେବଳ ସେତିକି ନୁହେଁ ବିବେଗ ଅଗ୍ନିହୋତ୍ରୀଙ୍କ ଏହି ଫିଲ୍ମକୁ ନେଇ ଫାରୁକ ଅବଦୁଲ୍ଲା ମନ୍ତବ୍ୟ ମଧ୍ୟ ଦେଇଛନ୍ତି। ସେ କହିଛନ୍ତି, 'ଏହି ଫିଲ୍ମ କେବଳ ଏକ ପ୍ରଚାରର ମାଧ୍ୟମ। ଏଥିରେ ସମସ୍ତ ହିନ୍ଦୁ ଏବଂ ମୁସଲମାନ ସାମ୍ନା କରିବାକୁ ପଡିଥିବା ଦୁଃ ଖଦ ଘଟଣାର କେବଳ ଗୋଟିଏ ପାର୍ଶ୍ୱ ଦେଖାଯାଇଛି। ସେହି ଘଟଣା ପାଇଁ ମୋର ହୃଦୟ କାନ୍ଦୁଛି। ରାଜନୈତିକ ଦଳରେ କିଛି ତତ୍ତ୍ୱ ଏଭଳି ଥିଲା ଯେଉଁମାନେ ନରସଂହାରରେ ବିଶ୍ୱାସ କରୁଥିଲେ।'
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
