ନିର୍ଦ୍ଧାରିତ ସମୟରେ ହେଉ ନିର୍ବାଚନ, CECଙ୍କୁ ସବୁ ଦଳର ଦାବି

ନୂଆଦଲ୍ଲୀ: ଆସନ୍ତ ବର୍ଷ ହେବାକୁ ଥିବା ୫ ରାଜ୍ୟର ବିଧାନସଭା ନିର୍ବାଚନକୁ ନେଇ ମୁଖ୍ୟ ନିର୍ବାଚନ କମିଶନ ପ୍ରେସି୍‌ପିଟ୍‌। ଆଗାମୀ ନିର୍ବାଚନକୁ ନେଇ କ’ଣ ଚାହୁଁଛନ୍ତି ସବୁ ରାଜନୈତିକ ଦଳ ଓ କ’ଣ ରହିଛି ସେମାନଙ୍କ ଦାବି ସେ ନେଇ ସିଇସି ସୂଚନା ଦେଇଛନ୍ତି।

ଉତ୍ତରପ୍ରଦେଶରେ କରୋନା ପ୍ରଟୋକଲ ଅନୁସାରେ ଠିକଣା ସମୟରେ ନିର୍ବାଚନ କରିବାକୁ ସବୁ ଦଳ ଦାବି କରୁଥିବା ସିଇସି କହିଛନ୍ତି। ସେ କହିଛନ୍ତି, ନିର୍ଦ୍ଧାରିତ ସମୟରେ ନିର୍ବାଚନ କରିବା ସପକ୍ଷରେ ବିଭିନ୍ନ ଦଳ ଅଛନ୍ତି। ଏନେଇ ରାଜନୈତିକ ଦଳଙ୍କଠୁ ମତାମତ ଗ୍ରହଣ କରାଯାଉଛି। ନିର୍ବାଚନ ରାଲିରେ ଅଙ୍କୁଶ ଲଗାଇବାକୁ କିଛି ଦଳଙ୍କ ପରାମର୍ଶ ଦେଇଛନ୍ତି।

ନିର୍ବାଚନ ପ୍ରକ୍ରିୟା ବେଳେ କୋଭିଡ୍ ନିୟମ ନିଶ୍ଚିତ ପାଳନ ହେବ। ନିର୍ବାଚନ ରାଲି ସଂଖ୍ୟା ସୀମତ ରହିବ। ଦିବ୍ୟାଙ୍ଗ ଏବଂ ୮୦ ବର୍ଷରୁ ଅଧିକ ବୟସ୍କ ଭୋଟର, ଓ କରୋନା ସଂକ୍ରମିତ ମତଦାତା ଘରୁ ହିଁ ଭୋଟ ଦେବାକୁ ସୁବିଧା ମିଳିବ। ଭୋଟି ସମୟକୁ ଆଉ ଏକ ଘଣ୍ଟା ଅର୍ଥାତ ୬ଟାରୁ ୮ଟାକୁ ବୃଦ୍ଧି କରାଯାଇଛି। ଏହାବ୍ୟତୀତ ପୃଥକ ପରିଚୟ ତାଲିକା ଜାରି କରିବାକୁ ଦାବି ହୋଇଥିବା ମୁଖ୍ୟ ନିର୍ବାଚନ କମିଶନ ସୁଶୀଲ ଚନ୍ଦ୍ର କହିଛନ୍ତି।

ଅର୍ଥାତ୍ କରୋନାର ନୂତନ ଭାରିଏଣ୍ଟ ଓମିକ୍ରନ୍ ଯୋଗୁଁ ନିର୍ବାଚନ ସ୍ଥଗିତ ନ କରାଇବାକୁ ସେମାନେ ସିଇସିଙ୍କୁ ପରାମର୍ଶ ଦେଇଛନ୍ତି। ଲକ୍ଷ୍ନୌରେ ଆୟୋଜିତ ସାମ୍ବାଦିକ ସମ୍ମିଳନୀରେ ମୁଖ୍ୟ ନିର୍ବାଚନ ଆୟୋଗ ସୁଶୀଲ ଚନ୍ଦ୍ର କହିଛନ୍ତି, ୧୮ରୁ ୧୯ ବର୍ଷ ମଧ୍ୟରେ ନୂଆ ଭୋଟର ସଂଖ୍ୟା ଗତ ବର୍ଷ ତୁଳନାରେ ତିନି ଗୁଣ ଅଧିକ ରହିଛି। ଏଥିରେ ହଜାରେ ପୁରୁଷ ଓ ୮୩୯ ଜଣ ମହିଳାଙ୍କ ଅନୁପାତ ଏବେ ୮୬୮କୁ ବୃଦ୍ଧି ପାଇଛି।

ଏହାର ଅର୍ଥ ହେଉଛି ପାଞ୍ଚ ଲକ୍ଷ ମହିଳା ଭୋଟର ବୃଦ୍ଧି ପାଇଛନ୍ତି। ମୁକ୍ତ, ନିରପେକ୍ଷ, ନିରାପଦ, କଳା ଟଙ୍କା ମୁକ୍ତ ନିର୍ବାଚନ କରିବା ନିର୍ବାଚନ ଆୟୋଗର ଉଦ୍ଦେଶ୍ୟ ବୋଲି ସେ କହିଛନ୍ତି। ଜାନୁୟାରୀ ସୁଦ୍ଧା ଅନ୍ତିମ ଭୋଟର ତାଲିକା ପ୍ରକାଶ ପାଇବ ବୋଲି ସେ କହିଛନ୍ତି, କିନ୍ତୁ ନାମାଙ୍କନପତ୍ରର ଶେଷ ଦିନ ପର୍ଯ୍ୟନ୍ତ ଅତିରିକ୍ତ ତାଲିକା ପ୍ରସ୍ତୁତ କରାଯାଇପାରିବ।

ସୂଚନା ମୁତାବକ, ଆସନ୍ତାବର୍ଷ  ଉତ୍ତରପ୍ରଦେଶ, ପଞ୍ଜାବ, ଗୋଆ, ଉତ୍ତରାଖଣ୍ଡ ଓ ମଣିପୁରରେ ବିଧାନସଭା ନିର୍ବାଚନ ହେବ। ଏଥର ନିର୍ବାଚନରେ ​​କରୋନା ପ୍ରୋଟୋକଲକୁ ଅନୁସରଣ କରିବା ଉପରେ ଗୁରୁତ୍ୱ ଦିଆଯାଇଛି। ସମ୍ପ୍ରତି ସାରା ଦେଶରେ କରୋନା (କୋଭିଡ 19 କେସ୍) ର ମାମଲାକୁ ଦୃଷ୍ଟିରେ ରଖି ଆହ୍ଲାବାଦ ହାଇକୋର୍ଟ ନିର୍ବାଚନ ଆୟୋଗ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ୟୁପି ନିର୍ବାଚନକୁ ସ୍ଥଗିତ ରଖିବାକୁ ଏବଂ ତୁରନ୍ତ ରାଲି ଉପରେ ପ୍ରତିବନ୍ଧକ ଲଗାଇବାକୁ ଅନୁରୋଧ କରିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।