ଲକ୍ଷ୍ନୌ: ଉତ୍ତରପ୍ରଦେଶର ମୌନପୁରୀରେ ସମାଜବାଦୀ ପାର୍ଟି ସୁପ୍ରିମୋ ଅଖିଲେଶ ଯାଦବଙ୍କ ପତ୍ନୀ ଡିମ୍ପଲ ଯାଦବଙ୍କୁ ଟକ୍କର ଦେବେ ଶିବପାଲ ଯାଦବଙ୍କ ଘନିଷ୍ଠ। ଏହି ଆସନ ପାଇଁ ବିଜେପି ତା’ର ପ୍ରାର୍ଥୀ ଘୋଷଣା କରିଛି । ଏହି ଲୋକସଭା ଆସନରୁ ବିଜେପି ରଘୁରାଜ ଶକ୍ୟଙ୍କୁ ଟିକେଟ୍ ଦେଇଛି ।
ମୌନପୁରୀ ଆସନରେ ସମାଜବାଦୀ ପାର୍ଟିର ପ୍ରାର୍ଥୀ ଡିମ୍ପଲ ଯାଦବଙ୍କୁ ପ୍ରତିଦ୍ୱନ୍ଦ୍ୱିତା କରୁଥିବା ବିଜେପିର ରଘୁରଜ ଶାକ୍ୟ ପ୍ରଗତିଶୀଳ ସମାଜବାଦୀ ପାର୍ଟିର (ପ୍ରସପା) ଜାତୀୟ ସଭାପତି ଶିବପାଲ ଯାଦବଙ୍କ ଅତ୍ୟନ୍ତ ନିକଟତର ବୋଲି କୁହାଯାଏ। ଚଳିତ ବର୍ଷ ଫେବ୍ରୁଆରୀରେ ରଘୁରଜ ଶାକ୍ୟ ପ୍ରସପା ଛାଡି ବିଜେପିରେ ଯୋଗ ଦେଇଥିଲେ। ରଘୁରଜ ଦୁଇଥର ସାଂସଦ ମଧ୍ୟ ରହିସାରିଛନ୍ତି।
ବିଜେପିରେ ଯୋଗଦେବା ପୂର୍ବରୁ ରଘୁରାଜ ପ୍ରସପାର ରାଜ୍ୟ ଉପାଧ୍ୟକ୍ଷ ପଦରେ ଥିଲେ। ୧୯୯୯ ଓ ୨୦୦୪ରେ ସମାଜବାଦୀ ପାର୍ଟି ଟିକେଟରେ ରଘୁରାଜ ଇଟାୱାରୁ ସାଂସଦ ଭାବରେ ନିର୍ବାଚିତ ହୋଇଥିଲେ। ୨୦୧୨ରେ ସେ ସପା ଟିକେଟରେ ଇଟାୱା ସଦର ଆସନରୁ ବିଧାନସଭା ନିର୍ବାଚନରେ ମଧ୍ୟ ଜିତିଥିଲେ। ରଘୁରାଜ ୨୭ ଜାନୁଆରୀ ୨୦୧୭ରେ ସମାଜବାଦୀ ପାର୍ଟିରୁ ଇସ୍ତଫା ଦେଇଥିଲେ।