ଚେନ୍ନାଇ: ବୁଧବାର ଚେନ୍ନାଇର ରାଜୀବ ଗାନ୍ଧି ସରକାର ହସପିଟାଲର ଟାୱାର-୨ରେ ଭୟଙ୍କର ଅଗ୍ନିକାଣ୍ଡ ଘଟିଛି। ଏଏନଆଇ ପକ୍ଷରୁ ଏହି ସୂଚନା ଜାରି କରାଯାଇଛି। ତେବେ ଉକ୍ତ ଟାୱାରରୁ ସବୁ ରୋଗୀଙ୍କୁ ସୁରକ୍ଷିତ ଭାବେ ସ୍ଥନାନ୍ତର କରାଯାଇଥିବା ଜଣାପଡ଼ିଛି। ହସପିଟାଲରେ ଉଦ୍ଧାର କାର୍ଯ୍ୟ ଜାରି ରହିଛି। ଅଗ୍ନଶମବାହିନୀ ନିଆଁ ଲିଭାଇବାକୁ ଉଦ୍ୟମ ଜାରି ରଖିଛନ୍ତି। ପ୍ରଥମରୁ ରୋଗୀଙ୍କୁ ହସପିଟାଲ ବାହାରକୁ ସ୍ଥାନାନ୍ତର କରିବା ଅଗ୍ନଶମ ବାହିନୀକୁ ବହୁ କଷ୍ଟକର ହୋଇଥିଲା।
https://twitter.com/ANI/status/1519197372043378688?s=20&t=5iZCi8gBs1-L7JsOnpYIsw
କାରଣ ନିଆଁ ଲାଗିବା ଯୋଗୁ ହସପିଟାଲ ଭିତରେ ଧୂଆଁମୟ ହୋଇ ଥିଲା। ତାମିଲନାଡ଼ୁର ମୁଖ୍ୟ ସ୍ୱାସ୍ଥ୍ୟ ସଚିବ ଜେ. ରାଧାକ୍ରିଷ୍ଣନନଙ୍କ ଅନୁଯାୟୀ, ହସପିଟାଲର ପୁରୁଣା ବିଲଡିଂରେ ନିଆଁ ଲାଗିଥିଲା। ତେବେ ଟାୱାର-୨ର ୩ଟି ବ୍ଲକ ସମ୍ପୂର୍ଣ୍ଣ ନିରାପଦ ଅଛି।
ଏହି ୩ଟି ବ୍ଲକ ନିଆଁର ବିପଦରୁ ବର୍ତ୍ତି ଯାଇଛି। ବର୍ତ୍ତମାନ ସୁଦ୍ଧା କୌଣସି ମୃତାହତ ସୂଚନା ଆସି ନାହିଁ। ସମସ୍ତ ରୋଗୀଙ୍କୁ ସୁରକ୍ଷିତ ଭାବେ ସ୍ଥାନାନ୍ତର କରାଯାଇଛି। ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ହସପିଟାଲର ଷ୍ଟୋର ରୁମରୁ ଅଗ୍ନିକାଣ୍ଡ ଘଟିଛି। ଯେଉଁଠି ଅକ୍ସିଜେନ୍ ସିଲିଣ୍ଡର ଷ୍ଟକ ରହିଛି। ତେବେ ସେଇ ସିଲଣ୍ଡରୁ ମଧ୍ୟରୁ ଗୋଟିଏ ବିସ୍ଫୋରଣ ଘଟିଥିବା କୁହାଯାଉଛି।