ପୋଖରୀରେ ବୁଡ଼ି ଚାଲିଗଲା ୫ ଶିଶୁଙ୍କ ଜୀବନ

ଜୟପୁର: ପୋଖରୀରେ ବୁଡ଼ି ଚାଲିଗଲା ୫ ଶିଶୁଙ୍କ ଜୀବନ। ରାଜସ୍ଥାନର ଶ୍ରୀଗଙ୍ଗାନଗର ଅନୁପ୍ରଗଡରେ ଏହି ଦୁଃଖଦ ଘଟଣା ଘଟିଛି। ଏହି ଶିଶୁମାନେ ବର୍ଷା ପାଣି ଜମା ହେଉଥିବା ଏହି ପୋଖରୀକୁ ଗାଧୋଇବାକୁ ଯାଇଥିଲେ। ହେଲେ ସେମାନେ ଫେରିବାରେ ବିଳମ୍ବ ହେବାରୁ ପରିବାର ଲୋକେ ଖୋଜାଖୋଜି କରିଥିଲେ। ପରେ ସେମାନଙ୍କ ମୃତଦେହ ପୋଖରୀ ଭିତରେ ଭାସୁଥିବା ଦେଖିବାକୁ ମିଳିଥିଲା।

ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିବା ସହ ମୃତଦେହଗୁଡ଼ିକୁ ଜବତ କରିଥିଲା। ତେବେ ମୃତ୍ୟୁ ସଂଖ୍ୟା ବଢ଼ିପାରେ ବୋଲି ପୁଲିସ ପକ୍ଷରୁ କୁହାଯାଇଛି। କିପରି ଏହି ଘଟଣା ଘଟିଲା ପୁଲିସ ଏହାର ତଦନ୍ତ ଚଳାଇଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି। ଶିଶୁମାନଙ୍କ ଅଭିଭାବକ ଓ ପରିବାର ଲୋକଙ୍କ କାନ୍ଦରେ ପୋଖରୀକୂଳ ଫାଟି ପଡ଼ିଥିଲା।

ସୂଚନା ଥାଉକି କିଛିଦିନ ତଳେ ଯୋଦ୍ଧପୁର ଠାରେ ଏକ କାର ବର୍ଷା ପାଣିରେ ଭାସି ଯିବାରୁ ଏଥିରେ ଥିବା ୪ ଶିଶୁଙ୍କ ଜୀବନ ଯାଇଥିଲା। ବାରମ୍ବାର ଅଘଟଣ ଘଟି ଶିଶୁମାନଙ୍କ ଜୀବନ ଯିବା ଉଦବେଗର ବିଷୟ ହୋଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।