ନୂଆଦିଲ୍ଲୀ: କଂଗ୍ରେସ ଦଳ ଆଜି ତା’ର ୧୩୭ତମ ପ୍ରତିଷ୍ଠା ଦିବସ ପାଳନ କରୁଛି। ଏହି ଅବସରରେ ଦଳର ଦିଲ୍ଲୀ ସ୍ଥିତ ମୁଖ୍ୟ କାର୍ଯ୍ୟାଳୟରେ ମଧ୍ୟ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଏଥିରେ ଦଳର ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧି ଯୋଗ ଦେଇଥିଲେ। ତେବେ ପ୍ରତିଷ୍ଠା ଦିବସରେ ଦଳୀୟ ପତାକା ଉତ୍ତୋଳନ ବେଳେ ଘଟିଥିଲା ଅକଳ ସ୍ଥିତି। ସୋନିଆ ଯେତେବେଳେ ପତାକା ଉତ୍ତୋଳନ କରିବାକୁ ଦଉଡ଼ିଟିକୁ ଜୋରରେ ଟାଣିଥିଲେ ସେତେବେଳେ ପତାକାଟି ଛିଣ୍ଡି ତାଙ୍କ ହାତରେ ପଡ଼ିଥିଲା।
ଏହା ପରେ ସୋନିଆ ଗାନ୍ଧି, ଦଳର କୋଷାଧ୍ୟକ୍ଷ ପବନ ବଂଶଲ ଓ ଏଆଇସିସି ସାଧାରଣ ସଂପାଦକ କେସି ଭେନୁଗୋପାଳ ପତାକାଟିକୁ ଖୋଲି ହାତରେ ଧରିଥିଲେ। ପରେ ଜଣେ ଦଳୀୟ କର୍ମୀ ଖୁଣ୍ଟରେ ଚଢ଼ି ପତାକାଟିକୁ ଉପରେ ଲଗାଇଥିଲେ।
ଦଳର ପ୍ରତିଷ୍ଠା ଦିବସ ଅବସରରେ ଆୟୋଜିତ କାର୍ଯ୍ୟକ୍ରମରେ କଂଗ୍ରେସ ନେତା ରାହୁଲ ଗାନ୍ଧି, ପ୍ରିୟଙ୍କା ଗାନ୍ଧି ଭଦ୍ରା ଓ ମଲ୍ଲିକାର୍ଜୁନ ଖଡ଼ଗେ ପ୍ରମୁଖ ଉପସ୍ଥିତ ଥିଲେ।
କଂଗ୍ରେସର ୧୩୭ତମ ପ୍ରତିଷ୍ଠା ଦିବସ ଅବସରରେ ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ସୋନିଆ ଗାନ୍ଧୀ ଦଳୀୟ ପତାକା ଉତ୍ତୋଳନ କରୁଥିବା ବେଳେ ତାହା ଛିଣ୍ଡି ତାଙ୍କ ହାତରେ ପଡ଼ିଥିଲା। #Congress pic.twitter.com/DVKNKSwBdj
— Odisha Reporter (@OdishaReporter) December 28, 2021
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
