ଜୟପୁର: ମୁହାଁମୁହିଁ ହେଲେ ଦୁଇ ଟ୍ରକ୍, ଲାଗିଲା ନିଆଁ। ଜୀବନ୍ତ ଜଳିଗଲେ ୪ଜଣ। ଏଭଳି ଏକ ଭୟଙ୍କର ସଡକ ଦୁର୍ଘଟଣା ଘଟିଛି ରାଜସ୍ଥାନର ଅଜମେର-ବ୍ୟାବରର ୮ ନମ୍ବର ଜାତୀୟ ରାଜପଥ ଉପରେ। ଆଜି ସକାଳୁ ଏହି ଦୁର୍ଘଟଣା ଘଟିଛି।
ସୂଚନା ମୁତାବକ ଆଜି ଭୋରୁ ଜାତୀୟ ରାଜପଥ ଉପରେ ଦୁଇ ଟ୍ରକ୍ ମୁହାମୁହିଁ ଧକ୍କା ହୋଇଥିଲା। ଫଳରେ ଏଥିରେ ଅଗ୍ନିକାଣ୍ଡ ଘଟିଥିଲା। ନିଆଁ ଲାଗିବା ଯୋଗୁଁ ଉଭୟ ଟ୍ରକ୍ର ଡ୍ରାଇଭର ଓ କ୍ଲିନର ଜୀବନ୍ତ ଜଳି ଯାଇଥିଲେ। ସୂଚନା ପାଇ ପୁଲିସ ଏବଂ ଦମକଳବାହିନୀ ଘଟଣାସ୍ଥଳରେ ପହଞ୍ଚିଥିଲା। ପ୍ରାୟ ଦୁଇ ଘଣ୍ଟାର ପରିଶ୍ରମ ପରେ ନିଆଁ ଆୟତ ହୋଇଥିଲା।
ପରେ ପୁଲିସ ଜଳନ୍ତା ଟ୍ରକ୍ ଭିତରୁ ୪ ଜଣ ଡ୍ରାଇଭର ଏବଂ ହେଲପରଙ୍କ ମୃତଦେହ ଜବତ କରିଥିଲା। ମୃତକଙ୍କ ବ୍ୟବଚ୍ଛେଦ ପାଇଁ ଅଜମେର ଜବାହର ଲାଲା ନେହରୁ ଚିକିତ୍ସାଳୟକୁ ପଠାଯାଇଛି। ଉଭୟ ଟ୍ରକ୍ର ନମ୍ବର ଆଧାରରେ ପୁଲିସ ତଦନ୍ତ ଜାରି ରଖିଛି।
https://twitter.com/ANI/status/1427485471676919809?s=20