ପାକିସ୍ତାନ ପତାକା ଲଗାଇ ଜଣେ ଗିରଫ

କୁଶିନଗର (ଉତ୍ତର ପ୍ରଦେଶ): ପାକିସ୍ତାନ ପତାକା ଲଗାଇ ଜଣେ ଗିରଫ ହୋଇଛନ୍ତି। ନିଜ ଘରେ ପାକିସ୍ତାନର ଜାତୀୟ ପତାକା ଉତ୍ତୋଳନ ଅଭିଯୋଗରେ ଉତ୍ତରପ୍ରଦେଶର କୁଶିନଗରେ ଜଣେ ବ୍ୟକ୍ତି ଗିରଫ ହୋଇଛନ୍ତି।  ଗିରଫ ଅଭିଯୁକ୍ତ ହେଉଛନ୍ତି ସଲମାନ (୨୧)।

ଅତିରିକ୍ତ ପୁଲିସ ଅଧୀକ୍ଷକ ରିତେଶ କୁମାର ସିଂହ କହିଛନ୍ତି ଯେ, ଶୁକ୍ରବାର ପ୍ରାୟ ୧୧ଟା ବେଳେ କୁଶିନଗର ଜିଲ୍ଲାର ତାରିଆ ସୁଜନ ପୁଲିସ ଷ୍ଟେସନ ଅଧୀନ ବେଦପୁର ମୁସ୍ତାକିଲ ଗାଁର ସଲମାନଙ୍କ ଘରେ ଏହି ପତାକା ଉତ୍ତୋଳନ କରାଯାଇଥିଲା। ପୁଲିସ ଏ ବିଷୟରେ ସୂଚନା ପାଇବା ମାତ୍ରେ ସେଠାରେ ପହଞ୍ଚି ପତାକାଟିକୁ ହଟାଇ ଦେଇଥିଲା।

ପତାକା ତିଆରି କରିଥିବା ସଲମାନ ଏବଂ ତାଙ୍କ ମାଉସୀ ଶାହନାଜଙ୍କ ବିରୋଧରେ ମାମଲା ରୁଜୁ ହୋଇଛି। ଏହା ବ୍ୟତୀତ ସଲମାନଙ୍କୁ ସାହାଯ୍ୟ କରିବାରେ ସମ୍ପର୍କୀୟ ଇମ୍ରାନଙ୍କୁ ଜୁଭେନାଇଲ ଜଷ୍ଟିସ ଆକ୍ଟ ଅନୁଯାୟୀ ବୁକ୍ କରାଯିବ ବୋଲି ଅତିରିକ୍ତ ପୁଲିସ ଅଧୀକ୍ଷକ କହିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।