ନୂଆଦିଲ୍ଲୀ: ସେପ୍ଟେମ୍ବର ମାସରୁ ଭାରତ ଯୋଡ଼ୋ ଯାତ୍ରାରେ ବ୍ୟସ୍ତ ଥିବା ରାହୁଲ ଗାନ୍ଧି ଆଜି ରାଜଧାନୀ ଦିଲ୍ଲୀରେ ପହଞ୍ଚିଛନ୍ତି। ଦିଲ୍ଲୀରେ ଆଜି ତାଙ୍କ ସହ ମା’ ସୋନିଆ ଗାନ୍ଧି ଓ ଭଉଣୀ ପ୍ରିୟଙ୍କା ଗାନ୍ଧି ଭଦ୍ରା ମଧ୍ୟ ସାମିଲ ହୋଇଛନ୍ତି। ଗାନ୍ଧି ପରିବାର ବ୍ୟତୀତ ହଜାର ହଜାର ସାଧାରଣ ଲୋକ ଓ କଂଗ୍ରେସ କର୍ମୀ ରାହୁଲ ଗାନ୍ଧିଙ୍କ ପଦଯାତ୍ରାରେ ନିଜକୁ ସାମିଲ କରିଛନ୍ତି।
ତେବେ ରାହୁଲ ଗାନ୍ଧି ଏହି ପଦଯାତ୍ରା ବେଳେ ଆଜି ସୋନିଆ ଗାନ୍ଧିଙ୍କ ସହ ଶେୟାର କରିଥିବା ଗୋଟିଏ ଫଟୋ ସୋଶାଲ ମିଡିଆରେ ଭାଇରାଲ ହୋଇଛି। ଏହି ଫଟୋରେ ରାହୁଲ ମା’ ସୋନିଆଙ୍କୁ ପଛପଟୁ କୁଣ୍ଢାଇ ଧରିଛନ୍ତି। ଏହି ଫଟୋକୁ ଟ୍ୱିଟ କରି ରାହୁଲ ଲେଖିଛନ୍ତି, “ଯେଉଁ ଭଲ ପାଇବା ଆଙ୍କ ଠାରୁ(ସୋନିଆ) ପାଇଛି, ସେସବୁ ଦେଶରେ ବାଣ୍ଟୁଛି।” ରାହୁଲଙ୍କ ଏହି ଟ୍ୱିଟକୁ ଅନେକ ଲୋକ ଶେୟାର କରିବା ସହ ପସନ୍ଦ ମଧ୍ୟ କରୁଛନ୍ତି।
जो मोहब्बत इनसे मिली है,
वही देश से बांट रहा हूं। pic.twitter.com/y1EfLqxluU— Rahul Gandhi (@RahulGandhi) December 24, 2022
ଆଉ ଏକ ଫଟୋରେ ରାହୁଲ ଗାନ୍ଧି ସର୍ବସମ୍ମୁଖରେ ସୋନିଆଙ୍କୁ ଜୋରରେ କୁଣ୍ଢାଇ ଧରିଛନ୍ତି। ସେହିପରି ଆଉ ଗୋଟିଏ ଫଟୋରେ ମା’ ଓ ପୁଅ କୌଣସି ବିଷୟରେ ଆଲୋଚନା କରୁଥିବା ଦେଖିବାକୁ ମିଳିଛି। ରାହୁଲ ଓ ସୋନିଆ ଆଜି ପାଦରେ ପାଦ ମିଶାଇ ଚାଲିବା ବେଳେ କଂଗ୍ରେସ କର୍ମୀମାନେ ବେଶ ଉତ୍ସାହିତ ହୋଇ ନାରାବାଜୀ କରିଛନ୍ତି।
ସେ ମାତ୍ର କିଛି ବାଟ ଚାଲିବା ପରେ ବିଶ୍ରାମ ନେଇଥିଲେ। କିନ୍ତୁ ସୋନିଆ ଯେତିକି ସମୟ ଚାଲିଥିଲେ ସେତିକି ସମୟରେ ସମସ୍ତେ ବେଶ ଜୋଶର ସହ ଆଗକୁ ବଢ଼ିଥିଲେ।
ଆଜି ରାହୁଲ ଗାନ୍ଧିଙ୍କ ଭାରତ ଯୋଡ଼ୋ ଯାତ୍ରା ହରିଆଣାର ସୀମାନ୍ତ ବଦରପୁରରେ ପତାକା ହସ୍ତାନ୍ତର ଉତ୍ସବ ପରେ ରାହୁଲଙ୍କ ‘ଭାରତ ଯୋଡ଼ୋ ଯାତ୍ରା’ ଦିଲ୍ଲୀରେ ପ୍ରବେଶ କରିଛି। ଦିଲ୍ଲୀ କଂଗ୍ରେସ ମୁଖ୍ୟ ଅନୀଲ ଚୌଧୁରୀ ଓ ଦଳୀୟ କର୍ମୀମାନେ ରାହୁଲ୍ ଓ ଅନ୍ୟ ପଦଯାତ୍ରୀଙ୍କୁ ସ୍ୱାଗତ କରିଥିଲେ।
ଆଜି ସକାଳ ୬.୩୦ରେ ଦକ୍ଷିଣପୂର୍ବ ଦିଲ୍ଲୀର ବଦରପୁର ସୀମାନ୍ତରେ ଦିଲ୍ଲୀକୁ ପ୍ରବେଶ କରିଥିବା ଯାତ୍ରା ୨୩ କିଲୋମିଟର ଦୂରତା ଅତିକ୍ରମ କରି ଆଶ୍ରମ ଚୌକ୍ ବାଟ ଦେଇ ଲାଲ୍ କିଲାରେ ଶେଷ ହେବ। ରାହୁଲଙ୍କ ପଦଯାତ୍ରା ଆଶ୍ରମ ଚୌକ, ନିଜାମୁଦ୍ଦିନ, ଇଣ୍ଡିଆ ଗେଟ, ଆଇଟିଓ, ରେଡଫୋର୍ଟ ଓ ରାଜ ଘାଟ ଦେଇ ଯିବ। ରେଡ ଫୋର୍ଟକୁ ଯିବା ପୂର୍ବରୁ ଆଶ୍ରମ ଚୌକରେ ୨ ଘଣ୍ଟା ପାଇଁ ଗୋଟିଏ ସମାବେଶ ଅନୁଷ୍ଠିତ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
