ଜମ୍ମୁ-କଶ୍ମୀର: ଜମ୍ମୁ-କଶ୍ମୀରରେ ସୁରକ୍ଷା କର୍ମୀଙ୍କୁ ବଡ଼ ସଫଳତା ମିଳିଛି। ଶ୍ରୀନଗରର ମଲୁରା ପରିମ୍ପୋରା ଅଞ୍ଚଳରେ ସୋମବାର ସନ୍ଧ୍ୟାରୁ ଚାଲିଥିବା ଏନକାଉଣ୍ଟରରେ ଭାରତୀୟ ସେନା ଲସ୍କର-ଏ-ତୋଏବାର ଟପ୍ କମାଣ୍ଡର ନଦୀମ ଅବରାରକୁ ନିହତ କରିଛି। ଏହାସହ ଆଉ ଦୁଇ ଆତଙ୍କୀଙ୍କୁ ମଧ୍ୟ ମାରିଦିଆଯାଇଛି। ହେଲେ ଏହି ଏନକାଉଣ୍ଟରରେ ସିଆରପିଏଫର ଜଣେ ଅଧିକାରୀ ସମେତ ଦୁଇ ଯବାନ ଆହତ ହୋଇଛନ୍ତି। ଜଣେ ଅଧିକାରୀ କହିଛନ୍ତି ଯେ ଅବରାର ଶ୍ରୀନଗର ବାରାମୁଲା ସୀମାରେ ଅନେକ ହତ୍ୟା ଓ ଆତଙ୍କୀ କାର୍ଯ୍ୟକଳାପରେ ଲିପ୍ତ ଥିଲା।
ଜମ୍ମୁ-କଶ୍ମୀରର ଆଇଜିପି ବିଜୟ କୁମାର କହିଛନ୍ତି ଯେ ହାଇୱେରେ ଆକ୍ରମଣ କରୁଥିବା ଆତଙ୍କବାଦୀଙ୍କ ବିରୋଧରେ ସେନାକୁ ସ୍ପେଶାଲ ଇନପୁଟ୍ ମିଳିଥିଲା। ଇନପୁଟକୁ ଦୃଷ୍ଟିରେ ରଖି ହାଇୱେ ନିକଟରେ ଜମ୍ମୁ-କଶ୍ମୀର ପୁଲିସ୍ ଓ କେନ୍ଦ୍ରୀୟ ରିଜର୍ଭ ପୁଲିସ୍ ଫୋର୍ସ (ସିଆରପିଏଫ୍) ପକ୍ଷରୁ ମିଳିତ ଚେକ୍ ପୋଷ୍ଟ କରାଯାଇଥିଲା।
ପାରିମ୍ପୋରା ଚେକ୍ ପୋଷ୍ଟରେ ଗୋଟିଏ ଗାଡ଼ିକୁ ରୋକା ଯାଇଥିଲା ଏବଂ ତାକୁ ପରିଚୟ ମଗାଯାଇଥିଲା । ଏହାରି ଭିତରେ ଗାଡ଼ିର ପଛ ସିଟରେ ମାସ୍କ ପିନ୍ଧି ବସିଥିବା ବ୍ୟକ୍ତି ନିଜ ବ୍ୟାଗ୍ ଖୋଲିବାକୁ ପ୍ରୟାସ କରିଥିଲା ଏବଂ ଗ୍ରେନେଡ୍ ବାହାର କରିଥିଲା । ଏହା ଦେଖି ଚେକ୍ ପୋଷ୍ଟ ଟିମ୍ ତୁରନ୍ତ ପଛ ସିଟରେ ବସିଥିବା ବ୍ୟକ୍ତିକୁ କାବୁ କରିନେଇଥିଲା ।
ଡ୍ରାଇଭର ଓ ପଛ ସିଟରେ ବସିଥିବା ଉଭୟ ବ୍ୟକ୍ତିଙ୍କୁ ପୁଲିସ୍ ଷ୍ଟେସନକୁ ନିଆଯାଇଥିଲା, ଯେଉଁଠାରେ ତା’ର ମାସ୍କ ଖୋଲିବା ପରେ ଜଣା ପଡ଼ିଲା ଯେ ସେ ହେଉଛି ଲସ୍କର-ଏ-ତୋଏବାର ଜଣେ ଟପ୍ କମାଣ୍ଡର ଆତଙ୍କାବାଦୀ ଅବରାର ଥିଲା । ତାକୁ ଜେକେପି, ସିଆରପିଏଫ୍ ଓ ସେନା ତରଫରୁ ପଚରାଉଚରା ପାଇଁ ରଖାଯାଇଥିଲା । ତା ପାଖରୁ ଏକ ପିସ୍ତଲ ଓ ହ୍ୟାଣ୍ଡ୍ ଗ୍ରେନେଡ୍ ଜବତ କରାଯାଇଥିଲା । ଲଗାତର ପଚରାଉଚରା ପରେ ସେ କହିଲା ଯେ ସେ ମଲୁରାସ୍ଥିତ ଏକ ଘରେ ନିଜର ଏକେ-୪୭ ରାଇଫଲ୍ ରଖିଥିଲା।
ଅଭିଯୁକ୍ତ ଅସ୍ତ୍ର ଉଦ୍ଧାର କରିବା ପାଇଁ ଦଳ ଘରେ ପଶିଥିବା ବେଳେ ଅବରାର ଜଣେ ସହଯୋଗୀ ପାକିସ୍ତାନୀ ଆତଙ୍କବାଦୀ (ଯାହା ବିଷୟରେ ଅବର କିଛି ପ୍ରକାଶ କରିନଥିଲେ) ଦଳ ଉପରେ ଗୁଳି ଚଳାଇଥିଲା। ପ୍ରାରମ୍ଭିକ ମୁକାବିଲାରେ ଉଜ ଟି ଉଜଚୠ କର୍ମଚାରୀ ଆହତ ହୋଇଥିଲେ ଏବଂ ସର୍ଚ୍ଚ ପାର୍ଟି ସହିତ ଆସୁଥିବା ଆତଙ୍କବାଦୀ ଅବରାର ଏକ ଏନକାଉଣ୍ଟରରେ ପ୍ରବେଶ କରିଥିଲେ।
ଏହି ଖୁଲାସା ପରେ ମଲୁରାସ୍ଥିତ ସେହି ସନ୍ଦିଗ୍ଧ ଘରକୁ ଉଯପୁକ୍ତ ଅବରୋଧ କରି ଅସ୍ତ୍ରଶସ୍ତ୍ର ଜବତ କରିବା ପାଇଁ ଅବରାରକୁ ସେହି ଘରକୁ ନିଆଯାଇଥିଲା । ଟିମ୍ ଅସ୍ତ୍ରଶସ୍ତ୍ର ଜବତ କରିବା ପାଇଁ ସେହି ଘରେ ପ୍ରବେଶ କରିବା ମାତ୍ରକେ ଅବରାରର ଜଣେ ପାକିସ୍ତାନ ଆତଙ୍କବାଦୀ ସହଯୋଗୀ, ସୁରକ୍ଷା କର୍ମୀଙ୍କ ଉପରକୁ ଗୁଳି ଚଳାଇଥିଲା । ପ୍ରାରମ୍ଭିକ ଗୁଳିବିନିମୟରେ ସିଆରପିଏଫର ତିନି ଯବାନ ଆହତ ହୋଇଥିଲେ ଏବଂ ସନ୍ଧାନକାରୀ ଟିମ୍ ସହ ଆତଙ୍କୀ ଅବରାରର ଗୁଳିବିନିମୟ ହୋଇଥିଲା ।
ଆଘାତପ୍ରାପ୍ତ ଯବାନଙ୍କୁ ବାହାରକୁ ବାହାର କରାଯାଇଥିଲା ଏବଂ ଟିମର ବାକି ସଦସ୍ୟ ଦାୟିତ୍ବ ନେଇଥିଲେ । ଜେକେପି, ସିଆରପିଏଫ୍ ଓ ସେନାର ଯବାନମାନେ ଉକ୍ତ ଘରକୁ ସମ୍ପୂର୍ଣ୍ଣ ଭାବେ କର୍ଡନ କରି ପ୍ରତି ଆକ୍ରମଣ କରିଥିଲେ । ପରେ ଗୁଳିବିନିମୟରେ ଘର ଭିତରେ ଥିବା ବିଦେଶୀ ଆତଙ୍କୀକୁ ମାରିଦିଆଯାଇଥିଲା ଏବଂ ଏହାସହ ଅବରାରକୁ ମଧ୍ୟ ହତ୍ୟା କରାଯାଇଥିଲା । ଘଟଣାସ୍ଥଳରୁ ଦୁଇଟି ଏକେ-୪୭ ରାଇଫଲ୍ ଓ ଗୁଳି ଜବତ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
