ନୂଆଦିଲ୍ଲୀ: ଜାମ୍ମୁ ଓ କାଶ୍ମୀରରେ ସୁରକ୍ଷାକର୍ମୀଙ୍କ ଗୁଳିରେ ୧୯୦ ଜଣ ଆତଙ୍କବାଦୀ ନିହତ ହୋଇଛନ୍ତି। ଏମାନଙ୍କ ମଧ୍ୟରୁ ୮୦ ଜଣ ସ୍ଥାନୀୟ ଅଞ୍ଚଳର ହୋଇଥିବା ବେଳେ ବାକି ୧୧୦ ବିଦେଶର। କିନ୍ତୁ ଉପତ୍ୟକାରେ ଆତଙ୍କବାଦୀ ସଂଗଠନ ଆଇଏସ୍ଆଇଏସ୍ର ଚିହ୍ନବର୍ଣ୍ଣ ନାହିଁ। ଗତକାଲି ଜାମ୍ମୁ କାଶ୍ମୀରରେ ଏନ୍କାଉଣ୍ଟରରେ ୬ ଜଣ ଆତଙ୍କବାଦୀ ନିହତ ହେବା ପରେ ଆଜି ସାମ୍ବାଦିକ ସମ୍ମିଳନୀ କରି ଏହି ତଥ୍ୟ ରଖିଛନ୍ତି ଲେଫ୍ଟନାଣ୍ଟ ଜେନେରାଲ ଜେ.ଏସ୍. ସାନ୍ଧୁ। କେବଳ ଚଳିତ ବର୍ଷ ସୁରକ୍ଷାକର୍ମୀ ୧୨୫ରୁ ୧୩୦ ଆତଙ୍କବାଦୀଙ୍କୁ ଗୁଳି କରି ହତ୍ୟା କରିଛନ୍ତି ।
ଫଳରେ ଘାଟିରେ ସୁରକ୍ଷା ବ୍ୟବସ୍ଥାରେ ବ୍ୟାପକ ପରିବର୍ତ୍ତନ ହୋଇଥିବା ସାନ୍ଧୁ କହିଛନ୍ତି। ଏଥିପାଇଁ ଭାରତୀୟ ସେନା, ସିଆରପିଏଫ୍, ଜାମ୍ମୁ କାଶ୍ମୀର ପୋଲିସ, ଗୁଇନ୍ଦା ବିଭାଗକୁ ସେ ଧନ୍ୟବାଦ ଜଣାଇଛନ୍ତି। ଏଥିସହ ଆତଙ୍କବାଦୀଙ୍କୁ ମୁଖ୍ୟସ୍ରୋତରୁ ଫେରିବା ପାଇଁ ସେ ଆହ୍ୱାନ ଦେଇଛନ୍ତ। ଗତକାଲି ଜାମ୍ମୁ କାଶ୍ମୀର ବାନ୍ଦିପୋରାରେ ସେନା ଏନ୍କାଉଣ୍ଟରରେ ୬ ଆତଙ୍କବାଦୀ ନିହତ ହୋଇଥିଲେ। ଯେଉଁମାନଙ୍କ ମଧ୍ୟରେ ଥିଲେ ଲସ୍କର ଏ ତୋଏବାର ଟପ୍ କମାଣ୍ଡର॥
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
