ଜମ୍ମୁ ଡିଜିପିଙ୍କ ବିରୋଧରେ ଫେରାଦ ହେଲେ ଓଡ଼ିଆ ଆଇପିଏସ୍

କଶ୍ମୀର: ଜମ୍ମୁ ଓ କଶ୍ମୀର ଡିଜିପି ଦିଲବାଗ୍ ସିଂଙ୍କ ବିରୋଧରେ ଥାନାରେ ଦ୍ୱାରସ୍ଥ ହୋଇଛନ୍ତି ଓଡ଼ିଆ ଆଇପିଏସ୍ ଅଫିସର୍ ତଥା କଶ୍ମୀର ଆଇଜି ବସନ୍ତ ରଥ। ସେ ଜମ୍ମୁର ଗାନ୍ଧିନଗର ପୁଲିସ୍ ଥାନାରେ ଦିଲବାଗ୍ ସିଂଙ୍କ ନାଁରେ ଏଭଳି ଅଭିଯୋଗ କରିଛନ୍ତି।

ଜୀବନ ପ୍ରତି ବିପଦ ଥିବା ସହ ସମ୍ମାନହାନୀ ହୋଇଥିବା ନେଇ ଥାନାରେ ଅଭିଯୋଗ କରିଛନ୍ତି ବସନ୍ତ ରଥ। ତେବେ ସେ କୈଣସି ଲିଖିତ ଏତଲା ଦେଇ ନାହାନ୍ତି। କେବଳ ପୁଲିସଙ୍କୁ ଜଣାଇଛନ୍ତି।

୧୯୮୭ ବ୍ୟାଚ୍ ଆଇପିଏସ୍ ଦିଲବାଗ୍ ସିଂ ଏବେ ଜମ୍ମୁ ଓ କଶ୍ମୀର ପୁଲିସର ଡିଜି ରହିଛନ୍ତି। ସେହିପରି ୨୦୦୦ ବ୍ୟାଚର ଆଇପିଏସ୍ ବସନ୍ତ ରଥ କଶ୍ମୀର ଟ୍ରାଫିକ୍ ଆଇଜି ରହିଛନ୍ତି। ବସନ୍ତ ସବୁବେଳେ ନିଜ କାର୍ଯ୍ୟଶୈଳୀକୁ ନେଇ ପରିଚିତ। ନିକଟରେ ସେ କଶ୍ମୀର ଛାତ୍ରଛାତ୍ରୀଙ୍କୁ କମ୍ପିଟେଟିଭ ପରୀକ୍ଷା ପାଇଁ ମାଗଣାରେ ବହି ବାଣ୍ଟି ଚର୍ଚ୍ଚାକୁ ଆସିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।