ନୂଆଦିଲ୍ଲୀ: ଚଳିତ ମାସ ଶେଷ ଆଡ଼କୁ ଇସ୍ରାଏଲ ଗସ୍ତରେ ଯିବେ ରାଷ୍ଟ୍ରପତି ପ୍ରଣବ ମୂଖାର୍ଜୀ। ଇସ୍ରାଏଲ ଯିବାରେ ସେ ହେବେ ଭାରତର ପ୍ରଥମ ରାଷ୍ଟ୍ରପତି। ତାଙ୍କର ଏହି ଗସ୍ତ ବେଳେ ଦୁଇ ଦେଶ ମଧ୍ୟରେ ଜଳ, ଶକ୍ତି ଓ ଶିକ୍ଷା କ୍ଷେତ୍ରରେ ତିନିଟି ଚୁକ୍ତି ସ୍ୱାକ୍ଷରିତ ହେବାର କାର୍ଯ୍ୟକ୍ରମ ରହିଛି। ଇସ୍ରାଏଲ୍ ରାଷ୍ଟ୍ରଦୂତ ଡାନିଏଲ୍ କାରମୋନ କହିଛନ୍ତି ଯେ ରାଷ୍ଟ୍ରପତି ପ୍ରଣବ ମୂଖାର୍ଜୀଙ୍କ ଏହି ଗସ୍ତ ଦୁଇ ଦେଶର ସଂପର୍କକୁ ଆହୁରି ମଜଭୁତ କରିବ। ବିଭିନ୍ନ କ୍ଷେତ୍ରରେ ଦୁଇ ଦେଶ ମଧ୍ୟରେ ସମନ୍ୱୟ ବୃଦ୍ଧି ପାଇବ।
ଭାରତ ହେଉଛି ଇସ୍ରାଏଲର ଏକ ପ୍ରମୁଖ ଯୁଦ୍ଧାସ୍ତ୍ର ଗ୍ରାହକ। ଗତ କିଛି ବର୍ଷ ଧରି ଇସ୍ରାଏଲଠାରୁ ଭାରତ ବିଭିନ୍ନ ପ୍ରକାରର ଯୁଦ୍ଧାସ୍ତ୍ର, ମିସାଇଲ୍ ଓ ମାନବବିହୀନ ବିମାନ କିଣିଛି।
୧୯୯୨ରୁ ଭାରତ ଓ ଇସ୍ରାଏଲ୍ ମଧ୍ୟରେ କୁଟନୈତିଜ୍ଞ ସଂପର୍କ ସ୍ଥାପନ ହୋଇଛି। ତେବେ ବର୍ତ୍ତମାନ ସୁଦ୍ଧା ଭାରତର କୌଣସି ରାଷ୍ଟ୍ରପତି ବା ପ୍ରଧାନମନ୍ତ୍ରୀ ଇସ୍ରାଏଲ୍ ଗସ୍ତରେ ଯାଇନାହାନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
