ପୁଲ୍ୱାମା: ରବିବାର ଜମ୍ମୁ-କଶ୍ମୀରର ପୁଲ୍ୱାମା ଜିଲ୍ଲାରେ ୩ ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଛି। ଏନ୍କାଉଣ୍ଟରରେ ସେମାନଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ପୁଲ୍ୱାମାର ତ୍ରାଲଠାରେ ଏଭଳି ସଫଳତା ମିଳିଥିବା ପୁଲିସ୍ ପକ୍ଷରୁ କୁହାଯାଇଛି।
ଯବାନ ଏବଂ ଆତଙ୍କବାଦୀଙ୍କ ମଧ୍ୟରେ ଦୀର୍ଘ ସମୟର ଗୁଳିବିନିମୟ ଘଟିଥିଲା। ଦକ୍ଷିଣ କଶ୍ମୀରର ତ୍ରାଲ ନିକଟସ୍ଥ ଗୁଲଶନପୋରା ନିକଟରେ ଯବାନ ସର୍ଚ୍ଚ ଅପରେସନ୍ କରୁଥିବାବେଳେ ହଠାତ ହମ୍ଲା ହୋଇଥିଲା। ଯବାନ ଏହାର କଡ଼ା ଜବାବ ଦେଇଥିଲେ।
ସୁରକ୍ଷାକର୍ମୀ ଘଟଣାସ୍ଥଳରୁ ଅସ୍ତ୍ର ଓ ଗୁଳିଗୋଳା ଜବତ କରିଛନ୍ତି। ମୃତ ଆତଙ୍କବାଦୀଙ୍କ ଚିହ୍ନଟ କରାଯିବା ପରେ ସେମାନେ କେଉଁ ସଂଗଠନ ସହ ଜଡ଼ିତ ତାହା ଜଣାପଡ଼ିବ ବୋଲି କଶ୍ମୀର ଜୋନ୍ ପୁଲିସ୍ ପକ୍ଷରୁ କୁହାଯାଇଛି।
ଏହି ଅଞ୍ଚଳରେ ଆତଙ୍କବାଦୀଙ୍କ ଚଳପ୍ରଚଳ ନେଇ ଗୁଇନ୍ଦା ସୂଚନା ରହିଥିଲା। ଏହି ସୂଚନା ଆଧାରରେ ହିଁ ଯବାନ ଅପରେସନ୍ ଆରମ୍ଭ କରିଥିଲେ। ପୁଲିସ୍ ପକ୍ଷରୁ କୁହାଯାଇଛି, ସର୍ଚ୍ଚ ଅପରେସନ୍ ସମୟରେ ହାଠତ୍ ଆତଙ୍କବାଦୀ ଗୁଳିମାଡ଼ କରିଥିଲେ। ଏହାପରେ ଯବାନ ଜବାବ ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
