ସଡ୍‌ନ ବ୍ରେକ୍‌ ମାରିବାରୁ ଘଟିଥିଲା ଦୁର୍ଘଟଣା!

<p>ଭୁବନେଶ୍ୱର/ନୂଆଦିଲ୍ଲୀ: ପୁରୀ-ହରିଦ୍ୱାର ଉତ୍କଳ ଏକ୍ସପ୍ରେସ ଯାଉଥିବା ଟ୍ରାକ୍&zwnj;ରେ ମରାମତି କାମ ଚାଲିଥିଲା। ଏନେଇ ଟ୍ରେନ୍&zwnj; ଚାଳକଙ୍କୁ କୌଣସି ସୂଚନା ଦିଆଯାଇନଥିଲା। ତେଣୁ ଚାଳକ ହଠାତ ବ୍ରେକ୍&zwnj; ମାରିବାରୁ ଟ୍ରେନ୍&zwnj; ଓଲଟି ପଡ଼ିଥିଲା। &nbsp;ଏନେଇ ସୂଚନା ଦେଇଛନ୍ତି ଉତ୍ତରପ୍ରଦେଶ(ୟୁପି) ପ୍ରିନ୍ସପାଲ ସେକ୍ରେଟାରୀ (ହୋମ୍&zwnj;) ଅରବିନ୍ଦ କୁମାର।</p> <p>ମୁଜାଫରନଗଠାରୁ ୨୫ କିଲୋମିଟର ଦୂର ଖତୌଲି ନିକଟରେ ଘଟିଥିବା ଟ୍ରେନ୍&zwnj;ର ୧୪ ବଗି ଲାଇନ୍&zwnj; ଚ୍ୟୁତ ହେବାରୁ ୨୩ ଜଣଙ୍କ ମୃତ୍ୟୁ ଘଟିଥିବା ବେଳେ ୪୦ରୁ ଅଧିକ ଆହତ ହୋଇଥିଲେ। ଆହତଙ୍କୁ ମୀରତ ମେଡ଼ିକାଲ କଲେଜରେ ଭର୍ତ୍ତି କରାଯାଇଛି। ଏବେ ମଧ୍ୟ ବଗି କଟାଯାଇ ଯାତ୍ରାଙ୍କ ଉଦ୍ଧାର କରାଯାଛି। ଦୁର୍ଘଟଣା ସ୍ଥଳରେ ୟୁପି ଏଟିଏସ୍&zwnj; ପହଞ୍ଚି ତଦନ୍ତ ଚଳାଇଛି। ଏନ୍&zwnj;ଡିଆର୍&zwnj;ଏଫ୍&zwnj;ର ୪ଟି ଦଳ ଉଦ୍ଧାର କାର୍ଯ୍ୟରେ ଲାଗିଛନ୍ତି। ଅନ୍ୟପକ୍ଷରେ ଘଟଣାର ତଦନ୍ତ କରାଯାଇ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ରେଳମନ୍ତ୍ରୀ ସୁରେଶ ପ୍ରଭୁ ସୂଚନା ଦେଇଛି।</p> <p>ଘୋଷଣା ହେଲା ହେଲ୍&zwnj;ପ ଲାଇନ୍&zwnj; ନଂ.</p> <p>ଏଥିପାଇଁ ରେଳ ବିଭାଗ ପକ୍ଷରୁ ହେଲ୍ପ ଲାଇନ୍&zwnj; ନମ୍ୱର ଘୋଷଣା କରାଯାଇଛି। ହେଲ୍ପ ଲାଇନ୍ ନମ୍ବର ଗୁଡ଼ିକ ହେଲା 0674-2490670, 0674-2534027, 06752-1072, 06752-226717, 0674-2303060, 0674-2492411, 8455885936, କଟକ-୦୬୭୧-୨୨୦୦୫୬୮, ଯାଜପୁର- ୦୬୭୨୬-୨୨୦୫୯୯, ମୁଜାଫରନଗର- ୦୧୩୧-୨୬୪୫୨୩୮।</p> <p>ଦୁଃଖପ୍ରକାଶ କଲେ ପିଏମ୍&zwnj; ଓ ସିଏମ୍&zwnj;</p> <p>ଆସନ୍ତାକାଲି ଦୁର୍ଘଟଣାସ୍ଥଳକୁ ଯିବ ଓଡ଼ିଶାର ଏକ ଟିମ୍। ପରିବହନ ମନ୍ତ୍ରୀଙ୍କ ନେତୃତ୍ୱରେ ଯିବ ୫ ଜଣିଆ ଟିମ୍। ଦୁର୍ଘଟଣାରେ କେହି ଓଡିଆଙ୍କ ମୃତାହତ ହୋଇଥିଲେ ସାହାଯ୍ୟ କରିବେ। ଆହତମାନଙ୍କ ଚିକିତ୍ସା ମଧ୍ୟ ତଦାରଖ କରାଯିବ।</p>